सूचना:जिल्ह्यात 15, 16 मार्चला‎ मध्यम पावसाची शक्यता‎

‎प्रादेशिक हवामानशास्त्र केंद्र,‎ कुलाबा (मुंबई) यांनी दिलेल्या‎ सूचनेनुसार जालना जिल्ह्यात येत्या‎ १५ व १६ मार्च या कालावधीत‎ तुरळक ठिकाणी विजेच्या‎ कडकडाटासह हलका ते मध्यम‎ स्वरुपाचा पाऊस तर ताशी ३०-४०‎ कि.मी. प्रतितास वेगाने वादळी वारे‎ वाहण्याची शक्यता वर्तवली आहे.‎ या नैसर्गिक आपत्तीसंदर्भात सर्व‎ संबंधित यंत्रणा आणि जनतेने‎ खबरदारी घेण्याची सूचना निवासी‎ उपजिल्हाधिकारी केशव नेटके यांनी‎ केले आहे.‎ यात मेघगर्जनेवेळी वीजा चमकत‎ असताना किंवा वादळी वारे वाहत‎ असताना झाडाखाली किंवा‎ झाडाजवळ उभे राहु नये.

विजेपासून‎ बचावासाठी सुरक्षित ठिकाणी‎ आश्रय घ्यावा. धोकादायक ठिकाणी‎ सेल्फी काढू नये. गडगडाटीच्या‎ वादळादरम्यान व वीजा चमकताना‎ कोणत्याही विद्युत उपकरणांचा वापर‎ करू नये, वीजेच्या सुवाहक भागांशी‎ संपर्क टाळावा. ट्रॅक्टर्स, शेतीची‎ अवजारे, मोटारसायकल /‎ सायकलपासून दूर रहावे. मोकळे‎ मैदान, झाडाखाली, टॉवर्स, ध्वजाचे‎ खांब, विद्युत दिव्यांचे खांब, धातूचे‎ कुंपन, विद्युतवाहिनी अथवा‎ ट्रॉन्सफॉर्मजवळ थांबू नये. सर्व‎ प्रकारच्या अधांतरी लटकणाऱ्या /‎ लोंबकळणाऱ्या तारांपासून दूर रहावे.‎ वीजा चमकत असताना मोकळ्या‎ जागेवर असल्यास सुरक्षेसाठी‎ गुडघ्यावर बसून हाताने आपले कान‎ झाकावे व डोके दोन्ही‎ गुडघ्यांच्यामध्ये झाकावे.‎