आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

संकटाची मालिका:बदलते वातावरण रब्बी हंगामातील‎ गहू, हरभरा पिकाच्या आले मुळावर‎

पिंपळगावएका महिन्यापूर्वी
  • कॉपी लिंक

रेणुकाई‎ रब्बीतील हरभरा व गव्हाचे पिक ऐन‎ फुलोरा अवस्थेत असताना मागील तीन ‎दिवसापासून अचानक वातावरणात‎ गारवा व ढगाळ वातावरण तयार झाले‎ आहे. त्यामुळे हे वातावरण रब्बीतील‎ गहु व हरभरा पिकासाठी नुकसानकारक आहे. आधीच खरीपात नुकसान‎ झाल्याने शेतकऱ्यांनी रब्बीत उसनवारी ‎ ‎ करुन पेरणी केली. माञ त्यात देखील ‎निसर्गाची अवकृपा शेतकऱ्यांची पाठ ‎सोडायला तयार नसल्याने शेतकऱ्यांच्या ‎ ‎ तोंडचे पाणी पळाले आहे. यंदा‎ पाऊसमान चांगले झाले.त्याचा परिणाम ‎म्हणून सर्वञ जलसाठ्यात मोठ्या‎ प्रमाणात वाढ झाली.याचा उपयोग‎ शेतकऱ्यांनी रब्बी पेरणीसाठी‎ केला.तालुक्यात जवळजवळ पन्नास‎ हजार हेक्टरच्या वर शेतकऱ्यांनी गहु,‎ हरभरा, मका, ज्वारी, मोहरी, सुर्यफुल‎ आदी पिकाची पेरणी केली. मध्यतरी‎ अवकाळी पावसाने हजेरी लावुन गहु व‎ हरभरा पिकाचे नुकसान झाले होते.‎ त्यातुन सावरत शेतकऱ्यांनी महागडी‎ औषधी फवारणी करुन पिके हातात‎ आणली. आता हरभरा व गव्हाचे पिके‎ ऐन फुलोरा अवस्थेत आहे.

अशातच‎ मागील तीन दिवसापासून वातावरणात‎ बदल झाला आहे. हा बदल रब्बीतील‎ पिकाच्या मुळावर उठला असल्याचे‎ शेतकरी सांगत आहे. ढगाळ‎ वातावरणामुळे हरभऱ्याचे फुल गळुन‎ पडत आहे. त्यामुळे हरभरा पिकातुन‎ अपेक्षित उत्पादन हाती न लागण्याची‎ भिती शेतकऱ्यांनी व्यक्त केली आहे.‎ शिवाय गव्हाला देखील ओंब्या लागला‎ आहे. माञ त्यावर देखील आता तांबेरा‎ आणि मावा रोगाचा प्रादुर्भाव झाला‎ आहे. सदर रोग आटोक्यात‎ आणण्यासाठी शेतकऱ्यांना आता पुन्हा‎ महागडी औषधी फवारणी करावी‎ लागणार आहे. औषधी फवारणीसाठी‎ देखील पैसे नसल्याचे वास्तव आहे.‎ शासनाने देखील अद्याप दुष्काळ‎ अनुदानाचे पैसे शेतकऱ्यांच्या खात्यात‎ वर्ग केलेले नाही.

आणखी किती दिवस‎ लागले हा संशोधनाचाच विषय आहे.‎ पिके ऐन जोमात असताना झालेल्या‎ ‎नैसर्गिक बदलामुळे रब्बीत देखील‎ शेतकऱ्यांना मोठा फटका बसणार आहे.‎ खरीपाने धोका दिला. त्यामुळे‎ शेतकऱ्यांची संपूर्ण भिस्त रब्बीवर होती.‎ माञ त्यात देखील वातावरणाचे‎ अधुनमधुन होणाऱ्या बदलामुळे‎ रब्बीतील हात धुवून बसण्याची शक्यता‎ नाकारता येत नसल्याचे चिञ आहे.‎ यासाठी कृषी खात्याने शेतकऱ्यांना‎ बांधावर जात दिलासा देणे गरजेचे आहे.‎ दरम्यान, मागील तीन दिवसापासून‎ अचानक वातावरणात बदल झाला‎ आहे. मी सहा एकर हरभरा व तीन एकर‎ गहु पेरलेला आहे. माञ खराब‎ वातावरणामूळे हरभरा पिकाची फुलगळ‎ होऊ लागली आहे. गव्हाला देखील‎ फटका बसला आहे. त्यामुळे उत्पादनात‎ निश्चितच घट होणार आहे.

निसर्गाची‎ अवकृपा शेतकऱ्याची पाठ सोडायला‎ तयार नसल्याने शेतकरी आर्थिकदृष्ट्या‎ हतबल झाले आहेत. शासनाने‎ शेतकऱ्यांना मदत करावी, अशी मागणी‎ शेतकरी रामेश्वर देशमुख यांनी केली.‎ वातावरण बदलाचा काही प्रमाणात‎ रब्बीतील गहु व हरभरा पिकाला फटका‎ बसणार आहे. माञ शेतकऱ्यांनी‎ घाबरून जाण्याचे कारण नाही. कृषी‎ विभागाच्या सल्ला घेऊन शेतकऱ्यांनी‎ पिकावर फवारणी काढावी. गतवर्षी‎ देखील याही पेक्षा अधीक खराब‎ वातावरण होते. कृषी विभागाकडून‎ शेतकऱ्यांना मार्गदर्शन करण्यात येत‎ असल्याचे तालुका कृषी अधिकारी‎ रामेश्वर भुते यांनी सांगितले‎.

बातम्या आणखी आहेत...