आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आनंद मेळावा‎:दानापूरच्या उर्दू शाळेत‎ बाल आनंद मेळावा‎

दानापूर‎24 दिवसांपूर्वी
  • कॉपी लिंक

भोकरदन तालुक्यातील दानापूर‎ येथील जिल्हा परिषद उर्दू शाळेत‎ बुधवारी बालआंनद मेळाव्याचे‎ आयोजन करण्यात आले होते.‎ यावेळी विद्यार्थ्यांनी या मेळाव्यात‎ ५० स्टाॅल लावून स्वत: बनविलेल्या‎ विविध साहित्याची विक्री करुन १०‎ हजार रुपयांची उलाढाल केली.‎ तसेच बाजारात अनेक प्रकारे‎ वेगवेगळ्या जाहीरातीचे फलक‎ लावुन पालक व ग्राहकांना आकर्षित‎ केले. होते.‎ सरपंच शकीला बी शेख मोबिन,‎ आसरा एजुकेशन सोसायटीचे‎ अध्यक्ष शेख जफर यांच्याहस्ते‎ उदघाटन करण्यात आले. यावेळी‎ ग्रामसेवक एस. डी. बावस्कर,‎ शालेय समितीचे अध्यक्ष शेख‎ जुबेर, प्रा. शेख अमर आदीची‎ उपस्थिती होती.

यावेळी‎ पालकांनीही विविध पदार्थाची खरेदी‎ करुन विद्यार्थ्यांनी स्वपरिश्रमाने‎ बनविलेल्या पदार्थाचा आनंद‎ घेतला. तर विद्यार्थ्यांनी देखील‎ आपण बनवलेल्या पदार्थाचा खप‎ कसा जास्त होईल व त्यातुन दोन‎ पैसे आपल्याला कसे मिळतील या‎ पद्धतीने योग्य नियोजन करुन‎ ग्राहकांना आकर्षित करण्याचा‎ प्रयत्न केला. बाजारात पाचवी ते‎ आठवीच्या ७० विद्यार्थ्यांनी सहभाग‎ नोंदवून प्रत्येकी गटनिहाय ५० स्टाॅल‎ लावले हाेते.

यात मिठाई, चिवडा,‎ पाणीपुरी, जिलेबी, दहीवडा,‎ कचाेरी, उपवासाचे पदार्थ आदी‎ विक्रीस ठेवले होते. या विद्यार्थ्यांना‎ मुख्याध्यापक, शिक्षकांनी मार्गदर्शन‎ केले. या बालआनंद मेळाव्यात‎ आर. वाय. कुरेशी, जावेद, हकीम‎ कुरेशी, मोबिन शेख, यासिन शाह,‎ शेख अजीम, राईस शेख, जुबेर‎ पटेल, सलीम शेख, साजिद चोधरी,‎ अजीम चोधरी, अजहर शेख, जुनेद‎ शेख, अलीम शेख, बशीर शाह‎ यांच्यासह पालक, विद्यार्थी आदी‎ उपस्थित होते.‎

बातम्या आणखी आहेत...