धमाल:वार्षिक स्नेहसंमेलनातून चिमुरड्या‎ विद्यार्थ्यांचे कलागुणांचे प्रदर्शन ‎...‎

शिक्षणाबरोबर विद्यार्थ्यांना आपल्या‎ शालेय जीवनात आपल्यामध्ये असलेल्या‎ सुप्त कलागुणांचे प्रदर्शन करण्याची संधी‎ मिळावी व चिमुकल्यांना आनंद घेता यावा‎ यासाठी परतूर तालुक्यातील कोकाटे‎ हदगाव केंद्रातील जिल्हा परिषद प्राथमिक‎ शाळा पिंपळी धामणगाव शाळेत‎ प्रजासत्ताक दिनानिमित्त आयोजित‎ स्नेहसंमेलनातील सांस्कृतिक कार्यक्रमातून‎ विद्यार्थ्यांनी आपल्या कलागुणांचे प्रदर्शन‎ करुन प्रेक्षकांची मने जिंकली.‎

अध्यक्षस्थानी आष्टी बीटचे विस्तार‎ अधिकारी प्रकाश ढवळे तर प्रमुख अतिथी‎ म्हणून कोकाटे हदगाव केंद्राचे केंद्रप्रमुख‎ प्रल्हाद रायमुळे, शाळा व्यवस्थापन‎ समिती अध्यक्ष विनोद वाहुळे, सरपंच‎ लता शिर्के, उपसरपंच सुनिता पवार,‎ उपाध्यक्ष अशोक शिंदे, पोलिस पाटील‎ मधुकर वाहुळे, ग्रामपंचायतचे सदस्य,‎ शाळा व्यस्थापन समितीचे सदस्य आदींची‎ उपस्थिती होती.

प्रारंभी क्रांतीज्योती‎ सावित्रीबाई फुले यांच्या प्रतिमेचे पूजन‎‎‎‎‎‎‎‎‎‎‎‎‎‎‎ करण्यात आले. मोरया मोरया या गीताने‎ कार्यक्रमाची सुरुवात करण्यात आली.‎ अभिरूप न्यायालय, तेरी मिट्टी में मिल‎ जावा या देशभक्ती गीताने वातावरण‎ भारावून गेले. आईचा गोंधळ हे पारंपारिक‎ नृत्य, लोक नृत्य, शेतकरी गीताला‎ उपस्थितांनी प्रतिसाद दिला. दोनच राजे इथे‎ गाजले, माऊली माऊली या क्लासिक‎ नृत्याने सर्व प्रेक्षकांना मंत्रमुग्ध केले.‎ प्रेक्षकांची दाद मिळवत बक्षिसांच्या‎‎‎‎‎‎‎‎‎‎‎‎‎‎‎ स्वरूपात २७ हजार ५०० रूपयांची देणगी‎ शाळेला प्राप्त झाली.‎ कार्यक्रमाचे प्रास्ताविक सलावद्दीन‎ देशमुख यांनी केले. सूत्रसंचालन निहाल‎ शेख यांनी तर जि. एन. काटकर यांनी‎ आभार मानले. कार्यक्रमाच्या‎ यशस्वीतेसाठी मुख्याध्यापक किरण‎ नवरंगे, सांस्कृतिक विभागाचे प्रमुख‎ आशिष हलाले, गणेश जाधव, एस. डी.‎ शहारे आदींनी परिश्रम घेतले.‎