पदभार:अंबड, जालना, बदनापूर‎ तहसीलदारांचे कमबॅक‎

जालना, अंबड व बदनापूर‎ तहसीलदारांची महसूल व वन‎ विभागाने शुक्रवारी (३ मार्च)‎ बदली करत त्यांना एकतर्फी‎ कार्यमुक्त केले तर या ठिकाणी रुजू‎ होण्यासाठी परभणी, पाथरी व‎ वसईच्या तहसीलदारांची बदली‎ केली. यानुसार तहसीलदार श्रीकांत‎ भुजबळ (जालना) यांच्या जागेवर‎ परभणी येथील सामान्य प्रशासन‎ विभागाच्या तहसीलदार छाया‎ पवार, रमेश मुंडलोड (बदनापूर)‎ यांच्या जागेवर पाथरीच्या‎ तहसीलदार सुमन मोरे तर‎ विद्याचरण कडवकर (अंबड)‎ यांच्या जागेवर पालघर जिल्ह्यातील‎ वसईचे अपर तहसीलदार चंद्रकांत‎ शेळके बदलून आले असून‎ सोमवारी ते रुजूही झाले आहेत.‎

संबंधितांनी ६ मार्चपूर्वी‎ नियुक्तीच्या रुजू होणे अनिवार्य‎ असून नवीन नियुक्तीच्या जागी‎ कोणत्या दिनांकास हजर झाले हे‎ शासनाला ई-मेल किंवा टपालाद्वारे‎ कळवावे लागणार असल्याचे‎ सहसचिव डॉ. माधव वीर यांनी‎ म्हटले होते. त्यामुळे तिन्ही‎ तहसीलदारांनी तात्काळ रुजू होत‎ पदभार घेण्याची डेडलाईन पाळली.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ तत्पूर्वी या तहसीलदारांनी एकत्रित‎ जिल्हाधिकारी डॉ. विजय राठोड‎ यांची भेट घेतली. यावेळी जनतेची‎ कामे वेळेत करा, असे डॉ. राठोड‎ म्हणाले. त्यानंतर संबंधितांनी‎ त्या-त्या तहसिल कार्यालयात‎ जावून पदभार स्विकारला.‎

तिसऱ्यांदा कमबॅकची‎ महसूलमध्ये चर्चा‎
तहसिलदार छाया पवार यांनी‎ बदनापूर तहसीलदार म्हणून काम‎ केलेले आहे. जिल्हाधिकारी रवींद्र‎ बिनवडे यांनी त्यांना निलंबित केले‎ होते. मात्र, निलंबन आदेशाला‎ स्थगिती मिळवून त्या पुन्हा रुजू‎ झाल्या होत्या. तद्नंतर त्यांची‎ बदली करण्यात आली होती. आता‎ त्या परत जालना तहसीलदार म्हणून‎ रुजू झाल्या आहेत. सुमन मोरे‎ यांनीही जाफराबाद, मंठा‎ तहसीलदार म्हणून काम केलेले‎ आहे. त्यानंतर त्यांचीही पाथरीला‎ बदली झाली होती, त्या आता‎ बदनापूरला रुजू झाल्या आहेत. तर‎ चंद्रकांत शेळके यांनी यापुर्वी‎ घनसावंगीत ११ महिने सेवा केली‎ होती. तद्नंतर ते पालघरला बदलून‎ गेले, सोमवारी त्यांनी अंबडचा‎ पदभार स्विकारला.‎