महागाईचा भडका:सिलिंडर दरवाढीचा‎ सर्वसामान्यांना फटका‎‎

जीवनाश्यक वस्तू, वीज दर आणि‎ खाद्यतेल दरवाढ पाठोपाठ आता‎ घरगुती वापराचे गॅस सिलिंडरचे दर‎ पुन्हा ५० रूपयाने महागले आहेत.‎ त्यामुळे महागाईचा भडका उडाला‎ आहे. घरातील खाणे पिणेही महागले‎ आहे. त्यामुळे सरकारविषयी तीव्र‎ संताप व्यक्त होत असून बहुत हुई‎ मंहगाई की मार, अब की बार नया‎ विचार अशा पोस्ट सोशल मिडियात‎ फिरत आहेत.‎ भोकरदन तालुक्यात रोजगार‎ सहज सुलभतेने उपलब्ध होत‎ नसल्याने उदरनिर्वाहासाठी‎ औरंगाबाद, पुणे, मुंबई येथे जावे‎ लागत आहे. खरीप हंगामातील शेती‎ हा मुख्य व्यवसाय असून कष्टकरी,‎ शेतकरी यांचा मोठा भरणा आहे.‎ सर्वसामान्य नागरिकांना रोजगार‎ म्हणून २०० रू ते ४०० रूपये‎ मिळतात. तर महिलांना २०० रू‎ मजुरी मिळते.

खाद्य तेल १८० रुपये‎ किलो झाले आहे. कमवावे किती‎ आणि खावे किती असा बिकट प्रश्न‎ उभा राहिला आहे. इंधन दरवाढीची‎ त्यात आता भर पडली आहे. इंधन‎ दरवाढीमुळे सर्वच वस्तूंच्या किंमती‎ आकाशाला भिडल्या आहेत.‎ चांगली ज्वारी ४ हजार रुपये क्विंटल‎ गहू ३ हजार रुपये क्विंटल, तांदूळही‎ २ हजार रुपये क्विंटल लाल मिरची‎ २५० रुपये किलो झाली आहे. यातच‎ भरीस भर म्हणजे गॅस सिलिंडर पुन्हा‎ ५० रूपयाने महागले आहेत.

आता‎ सिलिंडर १ हजार १३० रुपयाना‎ मिळणार आहे. काहीच सबसिडी‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ मिळत नाही. सर्वसामान्य नागरिक‎ आर्थिक दृष्टया मागास अवस्थेत‎ जीवन जगत असून महिन्या काठी‎ संसाराचा गाडा हाकताना नकी नऊ‎ येत आहेत. महिलांचे घरातील बजेट‎ कोलमडले आहे. ज्या पटीने‎ भाववाढ होत आहे त्या पटीने मजुरी‎ आर्थिक उत्पन्न वा शेतमालाचे भाव‎ वाढत नाहीयेत. त्यामुळे गरीब आणि‎ श्रीमंत वर्गात आर्थिक विषमता‎ वाढत आहे.‎

गरिबाचे जगणे कठीण‎
यापूर्वीही महागाईच्या झळा काही‎ कमी बसत नव्हत्या. यातच गॅस दर‎ वाढवून सरकारने भडका उडविला‎ आहे. पालेभाज्या महाग, धान्य‎ महाग, दूध महाग यामुळे गरिबांनी‎ जगायचे तरी कसे? गरिबांचे जीवन‎ जगणेच आता कठीण झाले आहे.‎ सरकारने गॅस दरवाढ मागे घ्यावी व‎ सर्वसामान्य कुटुंबाला जगण्यासाठी‎ आधार द्यावा.‎ - छाया सोनुने, गृहिणी‎

आर्थिक बजेट कोलमडले‎
गॅस दरवाढीने अकराशे रुपयांचा‎ टप्पा ओलांडला आहे. त्यामुळे पुन्हा‎ चूल पेटविण्यास सुरुवात करावी‎ लागणार आहे. ग्रामीण भागात‎ सरपण ५ रुपये किलोप्रमाणे मिळत‎ आहे. तसेच या घडीला शेतातही‎ लाकूडफाटा मिळणे मुश्कील झाले‎ आहे. परिणामी, महिलांचे आर्थिक‎ बजेट कोलमडणार आहे.-‎ निर्मलाबाई लोखंडे, गृहीणी‎