राज्यस्तरीय पुरस्कार:लायन्स क्लब ग्रुपतर्फे‎ दादासाहेब थेटेंचा सत्कार‎

समाजभान सेवाभावी संस्थेचे‎ संस्थापक अध्यक्ष तथा शिवसेना‎ वैद्यकीय मदत -कक्षाचे मराठवाडा‎ कक्षप्रमुख दादासाहेब थेटे यांना‎ सानेगुरुजी सेवा सन्मान हा‎ राज्यस्तरीय पुरस्कार देऊन‎ सन्मानित करण्यात आल्याबद्दल‎ लायन्स क्लब ऑफ जालना गोल्ड‎ ग्रुपतर्फे त्यांचा सत्कार करण्यात‎ आला. यावेळी रामकुंवर अग्रवाल,‎ शरद जयस्वाल, अशोक हुरगट,‎ संतोष मुथा, राजेश कामड,‎ दादासाहेब थेटे आदींची उपस्थिती‎ होती.

अशोक हुरगट म्हणाले की,‎ दादासाहेब थेटे यांनी पर्यावरण,‎ आरोग्य, शिक्षण, युवाप्रेरणा, शेती‎ संबंधी प्रश्न अशा वेगवगेळ्या‎ विषयावर भरीव काम केले आहे.‎ रामकुंवर अग्रवाल म्हणाले, थेटे हे‎ समाजभान तसेच शिवसेना‎ वैद्यकीय मदत कक्षाच्या मदतीने‎ रुग्णसेवेसोबतच रक्तदान,‎ वृक्षारोपण, पालावरची शाळा,‎ पालावरची दिवाळी, माणुसकीची‎ भिंत, गरजू विद्यार्थ्यांना तसेच गंभीर‎ आजाराच्या रुग्णांना आर्थिक मदत,‎ आत्महत्याग्रस्त शेतकऱ्यांच्या‎ मुलांचे शैक्षणिक पालकत्व असे‎ विविध सामाजिक उपक्रम वर्षभर‎ राबवित असतात. असे सांगितले.‎