व्यावहारिक ज्ञान:जि. प. प्रशालेत भरला आनंदनगरी मेळावा‎

येथील जिल्हा परिषद प्रशालेच्या‎ प्रांगणावर इयत्ता ५ ली १० वीच्या‎ विद्यार्थ्यांसाठी ३१ जानेवारी रोजी‎ आनंदनगरी सोहळा आयोजित‎ करण्यात आला होता. यामध्ये‎ विद्यार्थ्यांनी ४१ विविध पदार्थ‎ विक्रीसाठी स्टाॅल लावले.‎ विद्यार्थ्यांना बाल आनंदनगरीतुन‎ व्यावहारीक ज्ञान मिळावे व त्यांचा‎ व्यावहारीक दृष्टिकोन विकसित‎ व्हावा व भविष्यात त्यांनी निडरपणे‎ आपल्या मनातील न्युनगंड बाजुला‎ सारुन मोठा उद्योग व्यावसाय सुरु‎ करावा व त्यांना आनंद नगरीतुन‎ विक्री कौशल्य यावे यासाठी आनंद‎ नगरीचे आयोजन करण्यात आले‎ असल्याचे प्रभारी मुख्याध्यापक‎ उमेश दुनगहू यांनी सांगितले.

‎या आनंद नगरीतील स्टाॅलमध्ये‎ विविध प्रकारचे स्वादिष्ट, रुचकर,‎ चवदार पदार्थ, पाणीपुरी, वडापाव,‎ तीळगुळ, बोरे, जांब, विविध‎ प्रकारची चाॅकलेट, पोंगे, बिस्किटे,‎ गुळ, शेगदाणापट्टी, पिस्ता, पिज्जा,‎ मठ्ठा, मसाला पान, रगडा, पापडा,‎ वटाना, हरबरा, मटकीच्या घुगऱ्या,‎ आईसक्रीम,अननस, भाजीपाला,‎ गरमागरम पोहे, मिसळपाव आदी‎ प्रकाचे पदार्थ विक्रीसाठी ठेवले‎ होते. यात इयत्ता ९ वी वर्गातील‎ निखिल भालके व अभिनव दुनगहु‎ यांनी आनंद नगरीत गरमागरम बजे‎ जिलेबी तळून दिल्याने सर्वांचे लक्ष‎ या दुकानाकडे वेधले गेले. या‎‎‎‎‎‎‎‎‎‎‎‎‎‎‎ बाजारात त्यांनी जास्त रक्कम‎ जमवली.

तर चिकु ढवळे याने‎ लावलेल्या स्टॉलवरील स्वादिष्ट‎ भेळचा अनेकांनी आस्वाद घेतला.‎‎‎‎‎‎‎‎‎‎‎‎‎‎‎ यावेळी शिक्षक, पालक व इतर‎ विद्यार्थ्यांनी या सर्व स्टॉल भेट‎ देऊन या उपक्रमात सहभाग‎ घेतला. दिवसभर चाललेल्या या‎ आनंदनगरीत १५ हजार रुपयांहून‎ अधिक उलाढाल झाल्याचे‎ सांगण्यात आले.‎

यावेळी मुख्याध्यापक उमेश‎ दुनगहू, शिवहरी ढाकने, दिलीप‎ आढावे, शालेय समितीचे अध्यक्ष‎ जाफर पठाण, माजी सरपंच भारत‎ हिवाळे, प्रल्हाद चव्हाण, धनंजय‎ ढवळे, संजय छडीदार, मनोज‎ साळवे, शिवाजी देशमुख,‎ बळीराम उबरहंडे, अर्जुन धारे,‎ विजय वानेरे, श्रीकांत पवार,‎ शालिकराम जाधव, मधुकर‎ उखर्डे, उषा चव्हाण, रंजना‎ सांगळे, सुखदा पाटील, सुनिता‎ नागरे, ज्ञानेश्वर शिंगणे, ओम‎ देशमुख आदी उपस्थित होते.‎