उपक्रम:जि. प. शाळांतील 678 शिक्षकांना‎ देणार अविरत ऑनलाइन प्रशिक्षण‎‎

किशोरवयीन विद्यार्थ्यांमध्ये होणारे बदल‎ तसेच त्यांच्याबरेाबर शिक्षकांची‎ असलेली भूमिका याबाबत अविरत हे‎ प्रशिक्षण हाती घेण्यात आले आहे.‎ जिल्ह्यातील इयत्ता आठवी ते दहावी‎ पर्यंत विद्यार्थी असलेल्या जिप शाळांतील‎ ६७८ शिक्षकांना हे प्रशिक्षण दिले जात‎ आहे. आतापर्यंत प्रशिक्षणाचे तीन टप्पे‎ झाले असून यातीलच शिक्षकांना हे‎ प्रशिक्षण घेता येणार आहे.

दरम्यान,‎ सुरूवातीला तालुक्यातील दोन असे १६‎ तज्ञांचे प्रशिक्षण होणार त्यानंतर‎ शिक्षकांना प्रशिक्षण होईल.‎ इयत्ता नववी ते बारावीच्या विद्यार्थांना‎ शिकविणाऱ्या शिक्षकांसाठी खास‎ महाराष्ट्र शासनाच्या संयुक्त विद्यमाने‎ अविरत ऑनलाइन प्रशिक्षण सन २०१७‎ पासून सुरू करण्यात आले होते. या‎ प्रशिक्षणाचा मुख्य उद्देश किशोरवयीन‎ विद्यार्थ्यांमध्ये होणाऱ्या बदलाच्या‎ अनुषंगाने त्यांच्यासोबत चर्चा करणे‎ सोयीस्कर व्हावे या अनुषंगाने अविरत‎ प्रशिक्षण सुरू केले होते. सन २०१७‎ पासून अविरत प्रशिक्षणाचे एक, दोन‎ आणि तीन असे टप्पे झाले होते.

यात‎ संबंधित शाळेतील मुख्याध्यापक व दोन‎ माध्यमिक शिक्षक यांना प्रशिक्षण दिले‎ होते. या अगोदर अविरत एक दोन‎ आणि तीन असे टप्पे झाले त्यामध्ये‎ शिकण्याच्या आंतरक्रियेमध्ये अधिक‎ चांगले परिणाम दिसून आले होते.‎ याचाच एक पुढचा भाग म्हणून ज्या‎ शिक्षकांनी अविरत टप्पा एक, दोन व‎ तीन पूर्ण केले आहे यांच्यासाठीच‎ अविरत प्रशिक्षण टप्पा चारचे आयोजन‎ करण्यात आले आहे.

जिल्हा शिक्षण व‎ प्रशिक्षण संस्थेचे अधिव्याख्याता व‎ विभागप्रमुख विनोद राख, जिल्हा‎ शिक्षण व प्रशिक्षण संस्थेतील जिल्हा‎ समुपदेशक डॉ. गोदावरी उगले, कैलास‎ तिडके, समुपदेशक यांच्या‎ नियोजनानुसार सदरील प्रशिक्षण‎ जिल्हाभरात आयोजित केले जाणार‎ आहे.‎ तालुकास्तरावर समन्वयक म्हणून‎ कैलास गायकवाड (जालना), कल्पना‎ पाटिल (बदनापूर), सतीश देशमुख‎ (अंबड), प्रल्हाद सोलाटे‎‎‎‎‎‎‎‎‎‎‎ (घनसावंगी), योगेश औटी (परतुर),‎ अभिमान बायस (मंठा) चंद्रशेखर‎ देशमुख (भोकरदन), नारायण पिंपळे‎ (जाफराबाद) हे काम पाहतील तर‎ तालुकास्तरीय अविरत तज्ञ मार्गदर्शक‎ म्हणून सचिन देशमुख, सरस्वती‎ माध्यमिक विद्यालय गोंदेगाव, कैलास‎ जाधव किसनराव गोरंटयाल माध्यमिक‎ विद्यालय, पाचनवडगाव, गजानन‎ डोईफोडे साईबाबा माध्यमिक विद्यालय,‎ अकोला निकळक, संजीव कुमार‎ खंदारे कन्या माध्यमिक व उच्च‎ माध्यमिक विद्यालय बदनापूर, जगन दुर्गे‎ धर्मवीर संभाजी हायस्कूल, डोमेगाव‎ ता. अंबड, महेश गोडबोले प्रबोधाकार‎‎‎‎‎‎‎‎‎‎‎ ठाकरे हायस्कूल शहागड, श्रावण पवार‎ प्रशाला राणीउंचेगाव ता. घनसावंगी,‎ एम. एस. सोनवणे, स. भू. प्रशाला‎ रांजणी कैलास गाडगे जिल्हा परिषद‎ प्रशाला परतूर, सुरेश पातोडकर समर्थ‎ विद्यालय पाटोदा, रमेश शेरे स्वामी‎ विवेकाद हायस्कूल मंठा, कृष्णा‎ भांडवलकर जिल्हा परिषद प्रशाला‎ पांगरी गोसावी, रविंद्र वाघ सरस्वती‎ विद्या मंदिर सेलूद, संजय शेळके‎ जिल्हा परिषद प्रशाला नळणी, समाधान‎ दुनगहू कै. मारोतराव देशमुख विद्यालय‎ टेंभुर्णी, संतोष शेळके शिवाजी‎ विद्यालय, बोरगाव फाट हे काम‎ पाहणार आहेत.‎

सीईओ मीना यांच्या मार्गदर्शनाखाली आयोजन‎ महाराष्ट्र राज्य शैक्षणिक संशोधन व प्रशिक्षण परिषद पुणे यांच्या आदेशानुसार‎ जिल्ह्यातील माध्यमिक शाळांमधील मुख्याध्यापक व शिक्षकांचे अविरत चौथ्या‎ टप्प्याचे प्रशिक्षण जिल्हा परिषदेच्या मुख्य कार्यकारी अधिकारी वर्षा मीना यांच्या‎ मार्गदर्शनाखाली २ फेब्रुवारी ते ३ मार्च यादरम्यान ऑनलाईन पद्धतीने दिले जाणार‎ आहे. तरी याचा लाभ माध्यमिक शिक्षकांनी घ्यावा असे आवाहन जिल्हा शिक्षण व‎ प्रशिक्षण संस्थेचे प्राचार्य डॉ. राजेंद्र कांबळे व शिक्षणाधिकारी माध्यमिक मंगल धुपे‎ यांनी संयुक्तपणे केले आहे.‎