दिव्य मराठी विशेष:निव्वळ प्रभार नको, केंद्र प्रमुखांची पदे भरा‎

जिल्ह्यात केंद्र प्रमुखांची दीडशेहून‎ अधिक पदे रिक्त आहेत. आता सेवा‎ ज्येष्ठता याद्या प्रसिद्ध केल्याने दहा‎ वर्षांनंतर केंद्र प्रमुखांच्या पदोन्नतींना‎ मुहूर्त मिळणार असल्याचे स्पष्ट दिसत‎ आहे. असे असले तरी रिक्त पदे‎ भरताना सरळसेवा, विभागीय‎ परीक्षेच्या अडचणी निर्माण होणार‎ आहे. त्यामुळे निव्वळ प्रभार नको, तर‎ अभावितपणे रिक्त पदे भरावी, अशी‎ मागणी आता शिक्षकांकडून केल्या‎ जात आहे.‎ जिल्ह्यात दोन हजार दोनशेहून‎ अधिक शाळा आहे. या शाळांवर‎ नियंत्रण ठेवण्यासाठी दहा ते बारा‎ शाळा मिळून एक प्रमाणे १८० केंद्र‎ अस्तित्वात आहेत.

यावर नियमित‎ केंद्र प्रमुखांची नेमणूक करणे गरजेचे‎ आहे. मात्र, सध्या जवळपास ३०‎ ठिकाणी केंद्रप्रमुख कार्यरत असून,‎ उर्वरीत दीडशेहून अधिक केंद्र‎ प्रमुखांची पदे रिक्त आहे. रिक्त पदे‎ भरण्याच्या दृष्टीने मागिल दहा‎ वर्षांपासून प्राथमिक शिक्षण विभागाने‎ पावले उचललेच नव्हते. शेवटची‎ पदोन्नती प्रक्रीया २०१२-१३ मध्ये‎ शिक्षण विभागाने काढली होती.‎ तेव्हापासून पदोन्नतीच्या दृष्टीने‎ कुठल्याही प्रकारचे पावले उचलण्यात‎ आले नव्हते. आता प्राथमिक शिक्षण‎ विभागाने केंद्र प्रमुखांची रिक्त पदे‎ भरण्याच्या दृष्टीने सेवा ज्येष्ठता याद्या‎‎‎‎‎‎‎‎‎ प्रसिद्ध केल्या आहेत.

जवळपास ५३०‎ शिक्षकांची यादी पंचायत‎ समितीनिहाय प्रसिद्ध करण्यात आली‎ असून, बुधवार, दि. ८ फेब्रुवारी रोजी‎ पर्यंत आक्षेप नोंदवता येणार आहे. तर‎ आक्षेप दुरुस्ती करून शुक्रवार, दि. १०‎ फेब्रुवारी रोजी शिक्षण विभाग अंतीम‎ यादी प्रसिद्ध करणार आहे.‎ केंद्रप्रमुखांची रिक्त पदे शंभर टक्के‎‎‎‎‎‎‎‎‎ भरण्याचे संकेत शिक्षण विभागाने‎ दिले आहे. प्रत्यक्षात मात्र, येत्या‎ काळात शासन सरळ सेवा परीक्षा,‎ विभागीय परीक्षा घेण्याच्या‎ मानसिकतेत दिसत नाही.

अशा‎ परिस्थितीत केंद्रप्रमुखांचा प्रभार‎ शिक्षकांच्या माथी मारण्याच्या‎ तयारीत शिक्षण विभाग आहे.‎ केंद्रप्रमुखांचा प्रभार मिळाल्यानंतर‎‎‎‎‎‎‎‎‎ दोन ठिकाणचा कारभार सांभाळताना‎ शिक्षकांना प्रचंड कसरत करावी‎ लागण्याची शक्यता आहे. एकंदरीत‎ केंद्र प्रमुखांची पदे अभावितपणे‎ भरावी, अशी मागणी आता शिक्षक‎ संघटनांकडून केल्या जात आहे. या‎ मागणीच्या अनुषंगाने शिक्षण विभाग‎ निर्णय घेणार की, नाही हे येत्या‎ काळात स्पष्ट होईल.‎प

जूनपर्यंत सहा केंद्रप्रमुख सेवानिवृत्त‎
जिल्ह्यात केंद्र प्रमुखांची एकूण १८० पदे मंजूर आहेत. या मंजूर पदावर‎ जवळपास ३० केंद्रप्रमुख कार्यरत असून, उर्वरीत केंद्राचा कारभार सध्या‎ प्रभारावरच आहे. अशात येत्या जून महिन्यापर्यंत आणखी जवळपास सहा‎ केंद्रप्रमुख सेवानिवृत्त होणार आहे. तत्पूर्वी केंद्र प्रमुखांची पदे भरणे अत्यंत‎ गरजेचे आहे. अन्यथा मोठा गोंधळ होण्याची शक्यता आहे.‎