संप:मंठ्यातील विद्युत कर्मचारी संपात सहभागी‎

महावितरण, महापारेषण व महानिर्मिती ‎कंपन्यांतील खासगीकरण धोरणाच्या‎ विरोधात महाराष्ट्र राज्य विद्युत ‎कर्मचारी,अभियंते व अधिकारी संघर्ष‎ समितीने तीन दिवसीय संप पुकारला आहे. ‎यावेळी कर्मचाऱ्यांनी शीर्षासन करून निषेध ‎केला. मंठा येथील विद्युत वितरण विभागाचे‎ सर्व कर्मचारी संपात सहभागी झाले आहेत.‎

महावितरणमध्ये अदानी कंपनीला समांतर‎ वीज वितरणाचा परवाना देऊ नये, कंत्राटी‎ आऊटसोर्सिंग व सुरक्षारक्षक कामगारांना‎ कायम करावे, तीनही कंपन्यांतील रिक्त जागा‎ तात्काळ भराव्यात, महावितरण मधील २०१९‎ नंतरचे उपकेंद्रे कंपनी मार्फत चालवावीत‎ तसेच उपकेंद्रामध्ये कायम कर्मचाऱ्यांची‎ पदस्थापना करावी अशा मागण्या महाराष्ट्र‎ राज्य विद्युत कर्मचारी, अभियंते व अधिकारी‎ संघर्ष समितीने केल्या आहेत.

संपावर‎ जाण्यापूर्वी विद्युत वितरण कर्मचाऱ्यांनी‎ नागरिकांची गैरसोय होऊ नये, म्हणून‎ मोबाईल चार्जिंग करून ठेवणे, पाण्याच्या‎ टाक्या भरून ठेवणे तसेच दळणासह‎‎ अत्यावश्यक बाबी पूर्ण कराव्यात असे‎ आवाहन करण्यात आले.

आपल्या मागण्या‎ मान्य न झाल्यास १८ जानेवारीपासून बेमुदत‎ संपावर जाण्याचा इशारा संघटनेच्या वतीने‎ देण्यात आला आहे. या संपात उपकार्यकारी‎ अभियंता मनोज भावसार, सहाय्यक‎ अभियंता प्रवीण गणेर, कनिष्ठ अभियंता‎ अनिल जंगम, सचिन पवार, कुलदीप वाघ,‎ दत्तात्रय भोम्बे, विष्णू घनवट, रतन खनपटे,‎ विक्रम घनवट, दिनेश गादेवाड, सोपान वाघ,‎ भारत नळगे, कृष्णा निकम, सचिन मोरे,‎ सुनील घोरबांड यांच्यासह अधिकारी,‎ कर्मचारी सहभागी झाले आहेत.‎