सिने‎ सृष्टीत यशस्वी:यशस्वी होण्यासाठी कुटुंबाचा‎ विश्वास महत्त्वाचा : तांगडे‎

ग्रामीण भागातील असूनही आईच्या‎ धाकामुळेच मी नाटक व सिने‎ सृष्टीत यशस्वी होवू शकलो,‎ त्यामुळेच कुटूंबाचा विश्वास खूप‎ महत्वाचा आहे, असे मत प्रसिद्ध‎ सिने अभिनेते व सैराट‎ चित्रपटातील परशाच्या वडिलांची‎ भूमिका साकारलेले संभाजी तांगडे‎ यांनी व्यक्त केले.‎ जालना शहरातील अंकुशराव‎ टोपे महाविद्यालयात शनिवारी‎ वार्षिक स्नेहसंमेलनाच्या समारोप व‎ पारितोषिक वितरण प्रसंगी प्रमुख‎ पाहुणे म्हणून तांगडे बोलत होते.‎

अध्यक्षस्थानी प्राचार्य डॉ. मिलिंद‎ पंडित होते. या वेळी शैक्षणिक वर्ष‎ २०२२-२३ मध्ये विविध क्षेत्रात‎ यशस्वी विद्यार्थी व प्राध्यापकांनी‎ केलेल्या शैक्षणिक प्रगती बद्दल‎ त्यांचा सत्कार करण्यात आला.‎ प्राध्यापकांमध्ये डॉ. दादासाहेब‎ गजहंस, डॉ. शांताराम रायपुरे, डॉ.‎ मसुद अन्सारी यांची अभ्यास‎ मंडळाच्या सदस्यपदी नियुक्ती‎ झाल्याबद्दल तर डॉ. बी. आर.‎ शिंदे, डॉ. एस. व्ही. वाडेकर, डॉ.‎ उढाण, डॉ. प्रदीप लेकुरवाळे यांचा‎ पीएच. डी. प्राप्त केल्याबद्दल तसेच‎ डॉ. रुपाली कदम यांचा सेट परीक्षा‎ उत्तीर्ण केल्याबद्दल सन्मान‎ करण्यात आला.

मार्च २०२२ च्या‎ परीक्षेतील गुणवंत विद्यार्थ्यांचा रोख‎ पारितोषिक देऊन गौरविण्यात‎ आला.‎ क्रीडा स्पर्धेत विद्यापीठ व राज्य‎ पातळीवर सहभागी साक्षी‎ आकमार, मुक्ता बोरडे, शुभांगी‎ वाबळे, रोहित बिन्नीवाले, सचिन‎ चव्हाण यांचा ट्रॅक सुट देवून‎ सन्मानित करण्यात आले. तसेच‎ राष्ट्रीय पातळीवर बुद्धीबळ स्पर्धेत‎ प्रावीण्य मिळवलेला दिव्यांग‎ खेळाडू आदित्य घुले याचाही‎ विशेष गौरव करण्यात आला.‎