आंदोलन‎:मोबदल्यासाठी शेतकऱ्यांनी‎ केले शोले स्टाइल आंदोलन‎

पॉवरग्रीड कापोर्रेशनच्या विद्युत टाॅवरमुळे‎ झालेल्या नुकसानीचे पंचनामे आणि मूल्यांकन‎ होऊन अनेक महिने उलटूनही नुकसान भरपाई न‎ मिळाल्याने बदनापूर तालुक्यातील अकोला-‎ निकलक, गोकुळवाडी गावातील शेतकऱ्यांनी‎ विद्युत टॉवरवर चढून तत्काळ नुकसान भरपाई‎ द्यावी या मागणीसाठी शोले स्टाईल आंदोलन‎ केले. या शेतकऱ्यांच्या शेतात एक वर्षा पुर्वी‎ पॉवरग्रीड कापोर्रेशन ऑफ इंडिया लि. या‎ कंपनीच्या वतीने ७६५ के.व्हि वर्धा- औरंगाबाद‎ ही लाईन चे टॉवर उभारण्यात आले आहे.‎

या टॉवरलाईनमुळे बदनापूर तालुक्यातील‎ अकोला निकळक, गोकुळवाडी शिवारातील‎ पिकांसह मोसंबी,डाळींब,सीताफळ‎ ,पेरू,शेवगा,चिंच,आंब ्याच्या बागेचे ही मोठे‎ नुकसान झाले आहे.या नुकसानीचे पंचनामे‎ आणि मूल्यांकन ही कृषी विभागाच्या माध्यमातून‎ करण्यात आले. पंचनामे होऊन अनेक वर्ष‎ उलटूनही कंपनी प्रशासनाकडून नुकसान भरपाई‎ मिळालेली नाही. वारंवार पत्र व्यवहार करूनही‎ कुठलाच प्रतिसाद मिळत नसल्याने नुकसान‎ भरपाई तात्काळ द्यावी या मागणीसाठी‎ शेतकऱ्यांनी बुधवारी शोले स्टाइल आंदोलन‎ केले. तत्काळ मोबदला न मिळाल्यास‎ आत्मदहनाचा इशाराही या आंदोलक‎ शेतकऱ्यांनी दिला आहे.‎