बैठक:अखेर वरिष्ठ वेतनश्रेणीसाठी 736 जणांच्या प्रस्तावाला मिळाली मंजुरी‎

जिल्ह्यातील आठही तालुक्यांतील‎ प्राथमिक शिक्षक, प्राथमिक‎ पदवीधर, मुख्याध्यापक, केंद्रप्रमुख‎ यांचे मागील एका वर्षापासून प्रलंबित‎ असलेले वरिष्ठ वेतनश्रेणीचे ७३६‎ प्रस्ताव जिल्हा परिषद मुख्य‎ कार्यकारी अधिकारी वर्षा मीना‎ यांच्या मार्गदर्शनाखाली मंजूर‎ करण्यात आले आहेत. पात्र ठरलेल्या‎ सर्व शिक्षकांना वरिष्ठ वेतनश्रेणीचा‎ लाभ दिला जाईल, अशी माहिती‎ शिक्षणाधिकारी प्राथमिक कैलास‎ दातखीळ यांनी दिली.‎

वरिष्ठ वेतनश्रेणीसाठी‎ तालुकास्तरावरून प्राप्त झाल्यानंतर‎ मुख्य कार्यकारी अधिकारी वर्षा मीना‎ अध्यक्ष असलेल्या व उपमुख्य‎‎‎‎‎‎‎‎‎‎‎‎ कार्यकारी अधिकारी (सामान्य‎ प्रशासन) प्रदीप काकडे,‎ शिक्षणाधिकारी प्राथमिक कैलास‎ दातखीळ, शिक्षणाधिकारी‎ माध्यमिक मंगल धुपे यांचा समावेश‎ असलेल्या विभागीय पदोन्नती‎ समितीची बैठक घेऊन प्राप्त‎ प्रस्तावांना छाननी करून मंजुरी दिली‎‎‎‎‎‎‎‎‎‎‎‎ जाते. प्राथमिक शिक्षक, प्राथमिक‎ पदवीधर, मुख्याध्यापक, केंद्रप्रमुख‎ यांनी त्यांच्या सेवेची बारा वर्षे पूर्ण‎ केल्यानंतर त्यांना वरिष्ठ वेतनश्रेणीचा‎ लाभ दिला जातो. यासाठी संबंधित‎ कर्मचाऱ्याने सेवांतर्गत प्रशिक्षण व‎ एमएससीआयटी परीक्षा उत्तीर्ण‎ असणे गरजेचे आहे.‎

निवडश्रेणीच्या प्रस्तांवरदेखील लवकरच कार्यवाही‎
लवकरच आता निवडश्रेणीच्या प्रस्तावांवरदेखील कार्यवाही केली जाणार‎ आहे. या वरिष्ठ वेतनश्रेणीचा प्रस्तावांना मंजुरी देण्यासाठी उपशिक्षणाधिकारी‎ प्राथमिक विनया वडजे, सहायक प्रशासन अधिकारी सामान्य प्रशासन विभाग‎ आर. पी. व्यास, सहायक प्रशासन अधिकारी शिक्षण एम. एम. टोणपे, कनिष्ठ‎ प्रशासन अधिकारी सामान्य प्रशासन विभाग विलास राणे, कनिष्ठ प्रशासन‎ अधिकारी शिक्षण वाल्मीक गिते, सामान्य प्रशासन विभाग आनंद रायते,‎ शिक्षण विभागातील वरिष्ठ व निवडश्रेणी प्रस्तावाचे काम बघणारे वरिष्ठ‎ लिपिक पंजाब खिल्लारे यांनी परिश्रम घेतले.‎‎