प्रक्रिया:नोव्हेंबरच्या पटसंख्येवर होणार संचमान्यता‎

संचमान्यता २०२२-२३ साठी १‎ डिसेंबर रोजी कार्यरत शिक्षक व ‎शिक्षकेतर कर्मचारी माहिती भरली जाणार आहे. माहिती फॉरवर्ड ‎ ‎ करण्यासाठी शाळांना ६‎ जानेवारीची डेडलाईन देण्यात‎ आली आहे.‎ संचमान्यता म्हणजे एका प्रकारे‎ शाळांची कुंडली ठरत आहे. ही‎ प्रक्रिया ऑनलाइन केल्याने‎ नियोजन सोईस्कर झालेले आहे.‎ दरवर्षी ही संचमान्यता अपडेट‎ करावी लागते. यावर्षी जानेवारीच्या‎ पहिल्या आठवड्यात प्रक्रिया हाती‎ घेण्यात आली आहे.

यामध्ये संच मान्यतेसाठी ३० नोव्हेंबर रोजीची‎ पटसंख्या विचारात घेण्यात येणार‎ आहे. संच मान्यता पासवर्डची‎ काही अडचण असेल तर‎ केंद्रप्रमुख यांच्या स्कूल पोर्टलवरून‎ पासवर्ड रीसेट करता येईल. संच‎ मान्यता ही सर्व व्यवस्थापनाच्या‎ सर्व माध्यमाच्या शाळांनी फॉरवर्ड‎‎ करणे बंधनकारक आहे. एकदा‎ फॉरवर्ड केलेली संच मान्यता‎ कोणत्याही लॉगीनवरून रिटर्न‎ करण्याची सुविधा उपलब्ध नाही‎ म्हणून संच मान्यतेची माहिती‎ काळजीपूर्वक भरावी. संच मान्यता‎ फॉरवर्ड करण्याचा अंतिम दिनांक ६‎ जानेवारी ठेवण्यात आला आहे.‎

संच मान्यता फॉरवर्ड न केल्यास पदनिश्चितीला अडचण‎ जालना ग्रामीण भागातील शाळांनी तांत्रिक अडचण अथवा पासवर्ड रीसेट‎ साठी आपल्या केंद्रप्रमुख यांच्याशी संपर्क साधावा. दिलेल्या मुदतीत संच‎ मान्यता फॉरवर्ड करण्याची सर्वस्वी जबाबदारी शालेय मुख्याध्यापकांची‎ राहील. संच मान्यता फॉरवर्ड न केल्याने त्या शाळेची पदनिश्चिती होणार‎ नाही याची नोंद घ्यावी, असे प्राथमिक शिक्षणाधिकारी कैलास दातखिळ‎ यांनी सांगीतले आहे.‎