गुटखा:तीर्थपुरीत गुटखा माफियाच्या‎ घरावर छापा, साठा केला जप्त‎

घनसावंगी तालुक्यातील तीर्थपुरी येथील आदर्श‎ कॉलनीत गुटखा माफिया परमेश्वर बिल्लोरे‎ याच्या घरावर ३ फेब्रुवारी रोजी गोंदी पोलिस‎ ठाण्याचे सहायक पोलिस निरीक्षक सुभाष सानप‎ व त्यांच्या पथकाने छापा टाकून २ लाख ५ हजार‎ ९७० रुपयांचा गुटख्याचा साठा जप्त केला आहे.‎ दरम्यान, तीर्थपुरीला परिसरातील कुंभार‎ पिंपळगाव, अंबड व तलवाडा येथून गुटख्याचा‎ मोठा पुरवठा होतो.‎

पोलिसांनी यामध्ये ८१ हजार २५० रुपयांचा‎ राजनिवास गुटखा ३२५ पुडे, ५० हजार ८००‎ रुपयांचा गोवा १००० लाल गुटखा १२७ पुडे, ३‎ हजारांचा विमल पान मसाला १० पुडे, ४९ हजार‎ ५०० रुपयांचा हिरा पान मसाला १६५ पुडे, १६‎ हजार २५० रुपयांचा जाफराणी राजनिवास जर्दा‎ ३२५ पुडे, ४९५० रुपयांचे रॉयल तंबाखूचे १६५ पुडे,‎ २२० रुपयांची विमल तंबाखू जर्दा १० पुडे असा‎ एकूण २ लाख ५ हजार ९७० रुपयांचा मुद्देमाल‎ जप्त केला. ही कारवाई सपोनि सुभाष सानप,‎ सपोनि दीपक लंके, पोहेकॉ श्रीधर खेडकर,‎ पोहेकाॅ नारायण माळी, पोलिस अंमलदार महेश‎ तोटे, अशोक कावळे, गणेश मुंढे, भागवान शिंदे,‎ महिला अंमलदार मीरा मुसळे यांनी करून‎ परमेश्वर बिल्लोरे यास ताब्यात घेतले आहे.‎