आजपासून संप:वीजपुरवठा खंडित झाल्यास‎ या क्रमांकावर साधा संपर्क‎ 7875764014‎

‎खासगीकरणाला विरोध म्हणून ‎महावितरण कर्मचाऱ्यांनी ४ ‎जानेवारीपासून ७२ तास संप‎ पुकारला आहे. मंगळवारी‎ रात्रीपासून या संपाला सुरुवात होत ‎ ‎ असल्याने महावितरणने‎ आपत्कालीन परिस्थितीला तोंड ‎देण्यासाठी तयारी सुरू केली आहे. ‎ ‎ त्यासाठी संपकाळात‎ महावितरणकडून कार्यकारी ‎ ‎ अधिकाऱ्यांवर फाॅल्ट दुरुस्तीची‎ धुरा देण्यात आली आहे.

शिवाय ‎कंत्राटी कर्मचाऱ्यांचा आधार घेतला ‎जात आहे. दुसरीकडे‎ जिल्हाधिकारी कार्यालयालाने‎ आपले काम ठप्प होऊ नये म्हणून‎ सहा तासांचा बॅटरी बॅकअप आणि‎ सौर यंत्रणा सज्ज केली आहे.‎ दरम्यान, जिल्ह्यातील नागरिकांच्या ‎ ‎ मदतीसाठी महावितरणने तीन ‎ ‎ हेल्पलाइन क्रमांक सुरू केले आहे.‎ अदानी इलेक्ट्रिक कंपनीने‎ महाराष्ट्र राज्य वीज नियामक‎ आयोगाकडे समांतर परवानासाठी‎ अर्ज केलेला आहे.

ही बाब म्हणजे‎ महावितरणचे खासगीकरण होय.‎ यामुळे मोठ्या प्रमाणात जाळे‎ निर्माण करणाऱ्या महावितरणने‎ कोट्यवधी रुपयांचा खर्च केलेला‎ आहे. याचा उपयोग करून खासगी‎ कंपन्या कमाई करणार आहेत.‎ तसेच ही बाब ग्राहक तसेच‎ कर्मचाऱ्यांसाठी धाेकादायक असून‎ समांतर परवान्याला परवानगी‎ देण्यात येऊ नये यासाठी‎ राज्यभरासह जालन्यात महाराष्ट्र‎ राज्य वीज कर्मचारी, अधिकारी,‎ अभियंते संघर्ष समितीने ४ जानेवारी‎ रोजीपासूनच्या ७२ तासांच्या‎ बंदमध्ये सहभागी होण्याचे नियोजन‎ केले आहे. दरम्यान, या‎ आंदोलनाची दखल न घेतल्यास‎ पुढे १६ जानेवारी रोजी‎ जिल्हास्तरावर द्वारसभा घेणे तर १८‎ जानेवारी रोजीपासून बेमुदत संपावर‎ जाण्याचा निर्णय घेणार आहेत.‎ जालन्यात एकूण २४ संघटनांनी‎ सहभाग नोंदवला आहे.

‎या संपामुळे वीज सेवा‎ कोलमडण्याची भीती व्यक्त केली‎ जात आहे. महावितरणने मात्र सर्व‎ आव्हानांवर मात करण्याची तयारी‎ असल्याचे म्हटले आहे. त्यासाठी‎ ‎ ‎ ‎ ‎ ‎संपात सहभागी नसलेले‎ महावितरणचे कर्मचारी, बाह्यस्रोत‎ कर्मचारी, महावितरणचे ॲप्रेंटिस,‎ विद्युत सहायक, प्रशिक्षणार्थी‎ अभियंता, देखभाल व दुरुस्ती‎ करणाऱ्या निवड सूचीवरील‎ कंत्राटदारांचे कर्मचारी यांच्या‎ सुरळीत वीजपुरवठ्यासाठी‎ स्थानिक कार्यालय, उपकेंद्र आदी‎ ठिकाणी तात्पुरत्या नियुक्ती‎ करण्यात आल्या आहेत. तसेच‎ ‎ ‎शासनाच्या विविध विभागातील‎ सेवानिवृत्त विद्युत अभियंता व‎ तांत्रिक कर्मचारी, सार्वजनिक‎ बांधकाम विभाग, विद्युत निरीक्षक‎ कार्यालयामधील विद्युत अभियंता व‎ कर्मचारी यांच्याशी संपर्क करण्यात‎ आला असून त्यांचे सहकार्य‎ मिळणार आहे. बाह्यस्रोत‎ कंत्राटदारांना अतिरिक्त‎ मनुष्यबळाची मागणी करण्यात‎ आली आहे.‎

मंगळवारी महावितरणच्या कर्मचाऱ्यांनी कार्यालय परिसरात घोषणाबाजी केली.‎ जिल्ह्यातील सर्वच कर्मचारी आंदोलनात सहभागी होणार‎ जालना जिल्ह्यातील जवळपास सर्वच कर्मचारी हे आंदोलनात सहभागी होणार‎ आहेत. यामुळे यांचा कारभार हा कंत्राटदार, आयटीआयधारक, खासगी कामे‎ करणारी यंत्रणा, आऊटसोर्सिंग कर्मचारी यांच्यावर सोपवण्यात येणार आहे. यामुळे या‎ कर्मचाऱ्यांच्या हाती आंदोलनकाळात धुरा दिली जाणार आहे.‎

असे आहेत‎ हेल्पलाइन‎ क्रमांक‎
जालना ग्रामीण, विभाग‎ मंठा, परतूर, घनसावंगी‎ अंबड या तालुक्यांसाठी‎ ७८७५७६४०१४ या‎ क्रमांकावर तर जालना‎ शहर, भोकरदन,‎ बदनापूर, जाफराबाद‎ तालुक्यासाठी कार्यकारी‎ अभियंता यांना‎ ७८७५७६४००५,‎ ७८७५७६४०१३ क्रमांकावर‎ संपर्क करण्याचे आवाहन‎ महावितरणकडून‎ करण्यात आले आहे.‎

सर्व विभागांना पर्यायी‎ व्यवस्था करण्याच्या सूचना‎

जिल्हाधिकारी कार्यालयामध्ये पाच‎ ते सहा तासांचा बॅटरी बॅकअप आहे,‎ तर सौरऊर्जेवर जिल्हाधिकारी‎ कार्यालय, जिल्हा नियंत्रण कक्ष,‎ निवासी उपजिल्हाधिकारी कार्यालयाचे‎ काम चालवले जाऊ शकते.‎ त्याशिवाय सर्व विभागांना आपापल्या‎ पद्धतीने पर्यायी व्यवस्था करण्याच्या‎ सूचना दिल्या आहेत. विविध‎ विभागांच्या आस्थापना स्वतंत्र‎ असल्यामुळे त्या-त्या पातळीवर ते‎ निर्णय घेतील. जनतेची गैरसोय होऊ‎ नये याची काळजी घेतली जाईल.‎ - केशव नेटके, निवासी उपजिल्हाधिकारी‎

जिल्ह्यातील सर्वच कर्मचारी आंदोलनात सहभागी होणार‎
जालना जिल्ह्यातील जवळपास सर्वच कर्मचारी हे आंदोलनात सहभागी होणार‎ आहेत. यामुळे यांचा कारभार हा कंत्राटदार, आयटीआयधारक, खासगी कामे‎ करणारी यंत्रणा, आऊटसोर्सिंग कर्मचारी यांच्यावर सोपवण्यात येणार आहे. यामुळे या‎ कर्मचाऱ्यांच्या हाती आंदोलनकाळात धुरा दिली जाणार आहे.‎