आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

शेतकरी हतबल:पिंपळगाव रेणुकाई आठवडी बाजारात‎ टोमॅटो 5 रुपये तर कोबी 3 रुपये किलो‎

पिंपळगाव रेणुकाई‎एका महिन्यापूर्वी
  • कॉपी लिंक

सध्या बाजारात भाजीपाल्याची आवक ‎एकदम वाढली असल्याने मागील दोन ‎आठवड्यापासुन भाजीपाल्याच्या दरात ‎प्रचंड घसरण झाली आहे. अशातच ‎ ‎ भोकरदन तालुक्यातील पिंपळगाव‎ रेणुकाई येथील आठवडे बाजारात तर ‎ टोमॅटोला चक्क पाच रुपये किलो तर ‎कोबीला केवळ तीन रुपये किलोचा भाव ‎ ‎मिळाल्याने भाजीपाला उत्पादक‎ शेतकऱ्यांना विक्रीसाठी आणलेला ‎भाजीपाला रस्त्यावर फेकण्याची वेळ‎ आली. शिवाय अनेक शेतकऱ्यांनी‎ मिळेल त्या भावात भाजीपाल्याची‎ बोळवण करीत संताप व्यक्त करीत थेट‎ घरचा रस्ता धरला.‎ नैसर्गिक संकटे शेतकऱ्यांची पाठ‎ सोडायला तयार नाही.

त्यामुळे पारंपरिक‎ पिकातुन अपेक्षित उत्पादन हाती लागत‎ नसल्याने शेतीला पर्याय म्हणून‎ तालुक्यातील बहुंताश शेतकरी‎ भाजीपाला शेतीकडे वळले आहे. यावर्षी‎ निसर्गाने भरभरून साथ दिली असल्याने‎ पिंपळगाव रेणुकाई परिसरातील वरुड,‎ रेलगाव, शेलुद, लेहा, मुर्तड, देहड,‎ सुरगंळी, करजगाव, कल्याणी, पद्मावती,‎ ‎ ‎‎वालसांवगी, कोठाकोळी, हिसोडा आदी‎ भागातील शेतकऱ्यांनी उपलब्ध पाण्याचे‎ नियोजन करीत टोमॅटो, कोंबी, वांगे,‎ शेवगा, मिरची, कोंथबीर, मेथी, गवार,‎ मुळा, गाजर, वटाणा आदी‎ भाजीपाल्याची लागवड मोठया प्रमाणात‎ केली आहे. मात्र मागील दोन ते तीन‎ आठवड्यापासुन पडत्या भावामुळे‎ भाजीपाला उत्पादक शेतकरी हताश झाले‎ आहेत. लागवडीसाठी केलेला खर्चही‎ वसुल होत नसल्याने शेतकरी भाजीपाला‎ शेतीत जनावरे मोकळे करुन देत‎ असल्याचे चिञ आहे. पिंपळगाव‎ रेणुकाई येथील आठवडे बाजारात‎ जवळपास ३२ खेड्यातील ग्रामस्थ येतात.‎ विविध व्यवसायाच्या माध्यमातून‎ कोटयवधी रुपयाची उलाढाल या‎ बाजारात होत असते. या बाजारात मोठ्या‎ प्रमाणात भाजीपाला उत्पादक शेतकरी‎ भाजीपाला घेऊन येतात.

कालच्या‎ आठवडी बाजारात. माञ बाजारात‎ आणलेल्या टोमॅटो व कोबीचे पडते भाव‎ पाहता शेतकरी निराश झाले. शिवाय इतर‎ भाजीपाल्याचे भाव देखील जेमतेमच‎ होते. त्यामुळे विक्रीसाठी आणलेल्या‎ भाजीपाल्याचे करायचे काय हा प्रश्न‎ शेतकऱ्यांसमोर होता. कारण घरी घेऊन‎ जाऊन देखील काही उपयोग नव्हता.‎ त्यामुळे शेतकऱ्यांनी मिळेल तो भाव घेत‎ मोठ्या कष्टाने विक्रीसाठी आणलेला‎ भाजीपाला भुकटच्या भावात विकावा‎ लागला. अनेक शेतकऱ्यांनी तर‎ भाजीपाला कुणी घ्यायलाही तयार‎ नसल्याने फुकट भाजीपाला देत संताप‎ व्यक्त केला.

पारंपारिक पिकातुन अपेक्षित‎ उत्पादन हाती लागत नसल्याने‎ शेतकऱ्यांनी भाजीपाला शेतीचा पर्याय‎ शोधला आहे. मात्र त्यात देखील‎ शेतकऱ्यांना अपयश येत असल्याने‎ शेतकरी रडकुंडीला आले आहेत.‎ दरम्यान, मी माझ्या दोन एकरात टोमॅटो,‎ कोंबी, वांगी, भेंडी आदी भाजीपाला‎ लागवड केलेला आहे.

बाजारात‎ भाजीपाल्याला कमी दर मिळत‎ असल्याने आठवडे बाजारात पाच रुपये‎ किलोने टोमॅटो तर कोबी तीन रुपये‎ किलोने विकावी लागली असल्याने‎ लागवडीचा खर्च तर दुरच वाहतूक खर्च‎ देखील निघाला नसल्याने मनस्ताप होत‎ आहे. मागील काही वर्षापासून‎ शेतकऱ्यांवर निसर्गाच्या संकटाची‎ मालिकाच सुरु असल्याने शेतकरी‎ अक्षरक्ष: हतबल झाला असून त्याचे‎ आर्थिक नियोजन बिघडले असल्याचे‎ भाजीपाला उत्पादक गणेश हागे म्हणाले.‎

बातम्या आणखी आहेत...