मार्चअखेर विक्रमी 2 कोटी 2 लाख रुपये जमा‎:जाफराबाद उपविभागाची‎ उद्दिष्टाहून अधिक वसुली‎

महावितरण उपविभाग कार्यालयाला‎ मार्च अखेर घरगुती व व्यावसायिक‎ ग्राहकाकडून १ कोटी १२ लक्ष रुपये‎ वसुली करण्याचे उदिष्ट देण्यात‎ आले होते. त्या अनुषंगाने‎ महावितरण कार्यालयातील‎ कर्मचाऱ्यांनी दिलेल्या उद्दिष्टाहून‎ अधिक तब्बल २ कोटी २ लक्ष रुपये‎ विक्रमी वसुली जमा केली.‎ जालना जिल्ह्यातून वसुली जमा‎ करण्याच्या प्रमाणात जाफराबाद‎ उपविभाग जिल्ह्यातून अग्रेसर आहे.‎ महावितरणचे कार्यकारी अभियंता‎ दाभाडे यांच्या मार्गदर्शनाखाली,‎ सहाय्यक अभियंता सुदर्शन‎ लोढा,चिंचाने,गीते यांच्यासह सर्वच‎ आधिकारी व कर्मचाऱ्यांनी गावोगाव‎ जावून प्रत्यक्ष ग्राहकांशी संपर्क‎ साधून ही मोहीम यशस्वी केली.‎ उपविभाग अंतर्गत येणाऱ्या सर्वच‎ गावात महावितरणच्या कर्मचाऱ्यांनी‎ सतत पाठपुरावा करून, ग्राहकांना‎ समजावून सांगून हे उद्दिष्ट साध्य‎ केले आहे.

दिलेल्या उदिष्टापेक्षा‎ जवळपास दुपटीने वसुली जमा‎ करणारे जाफराबाद महावितरण‎ उपविभाग पहिला ठरला आहे.‎ महावितरणच्या सर्व कर्मचारी यांनी‎ ऊन वारा पाऊस कशाची परवा न‎ करता महावितरणने दिलेले उद्दिष्ट‎ पार केले. विक्रमी वसुली‎ झाल्यामुळे जाफराबाद वर्क‎ फेडरेशन तर्फे सुदर्शन लोढा यांचा‎ सत्कार करण्यात आला. यावेळी‎ अंकुशराव दूनगहू, सूर्यकांत खरात,‎ विष्णू कड, विजय कड, विनोद‎ सपकाळ, आदेश जोगदंड, हिवाळे,‎ संतोष सपकाळ, रामदास फदाट,‎ चुंगडा, दीपक वाघमारे, शेख मतीन,‎ देवडे, कैलास दुनगहू, रामू सोलाट,‎ प्रसाद अक्कर, शेख खिजर, अण्णा‎ बोर्डे, रवी साबळे, सपाटे, नितीन‎ दूनगहु, शेख रफिक, रामू कुमकर,‎ सुभाष कळंगे, मगरे, गजानन‎ जाधव, गायके, तुळशीदास इंगळे‎ समाधान गाडे, प्रकाश गाडे, राहुल‎ दाभाडे यांच्यासह अन्य कर्मचारी‎ उपस्थित होते.‎