कुंभारीतील प्रकरण‎:पत्नी फोनवरच बोलते‎ म्हणून सुपारी देऊन खून‎

पत्नी नेहमीच कोणाशी सतत फोनवर‎ बोलतेय म्हणून ट्रॅक्टर चालकाला एक‎ लाख रुपये देऊन अपघाताचा बनाव‎ करून खून केल्याची कबुली संशयित‎ गजानन आढाव याने दिल्याची माहिती‎ पोलिसांनी दिली आहे. कविता आढाव‎ असे मृत महिलेचे नाव आहे. कुंभारीत‎ ही घटना घडली होती.‎ औरंगाबाद येथील वीज वितरण‎ कंपनीत लिपिक असलेल्या गजानन‎ आढाव याचे कविता या मुलीशी‎ तिसरा विवाह झाला होता.

पत्नी‎ कविता नेहमी कोणाशी तरी फोनवर‎ बोलतेय, असा संशय गजानन आढाव‎ याला आला. त्यामुळे कविता यांचा‎ खून करण्याचा प्लॅन आखला. त्याने‎ महिनाभर सुट्टी टाकून भोकरदन‎ तालुक्यातील हसनाबाद येथे २७‎ डिसेंबर रोजी खोली भाड्याने केली.‎ त्यानंतर नातेवाईक असलेल्या संशयित‎ योगेश मोरे (रा. नांजा) याच्याशी चर्चा‎ केली.

त्यानंतर त्यांनी अपघात घडून‎ कविता यांचा खून करण्याचे ठरविले.‎ खून करण्यासाठी गजाननने योगेशला‎ एक लाख रूपये देण्याचे कबूल केले‎ होते. योगेशने लगेच ट्रॅक्टरचा विमा‎ देखील काढला. ठरल्याप्रमाणे ३१‎ डिसेंबर रोजी गजानन आढाव हा पत्नी‎ कविता यांना नातेवाईकांकडे जाऊ‎ असे म्हणून दुचाकीवर बसून घेऊन‎ आला. परंतु, गजानन हा दुसऱ्याच‎ रस्त्याने जात असल्याचे कवितांना‎ लक्षात आले. त्यानंतर तिने‎ नातेवाईकांना फोन लावला. त्याचवेळी‎ ट्रॅक्टर घेऊन आलेल्या योगेशने‎ दुचाकीला धडक दिली. त्यात कविता‎ या खाली पडल्या.

त्यांच्या अंगावरून‎ ट्रॅक्टर घातल्याची कबुली गजानन याने‎ दिली आहे. कविता यांचा सुध्दा हा‎ दुसरा विवाह होता. मात्र, त्यांच्यात‎ अनेक दिवसांपासून वादावादी होत‎ होती. या प्रकरणी मयताच्या भावाच्या‎ तक्रारीवरून संशयित पती गजानन‎ आढाव व ट्रॅक्टर चालक योगेश मोरे‎ यांच्याविरुध्द खुनाचा गुन्हा दाखल‎ करण्यात आला. तर सासू व‎ इतरांविरुद्ध ४९८ चा गुन्हा दाखल केला‎ होता. पोलिसांनी गजानन आढाव‎ याला अटक केली होती. तर टॅक्टर‎ चालक फरार होता. त्याला ६ जानेवारी‎ रोजी पोलिसांनी अटक केली. त्यानंतर‎ त्यांनी खुनाची कबुली दिली.‎