निवड:उपसरपंचपदासाठी इच्छुकांची लॉबिंग सुरू‎

तालुक्यात नुकत्याच ३२ गावांत‎ सरपंचांना थेट जनतेतून‎ निवडल्यानंतर आता उपसरपंचांच्या‎ निवडी महत्त्वाच्या मानल्या जात‎ आहेत. विशेष म्हणजे उपसरपंचाच्या‎ निवडणुकीत लोकनियुक्त सरपंचाला‎ मत देण्याचा अधिकार आहे. शिवाय‎ उपसरपंचाची निवड करताना दोन‎ उमेदवारांना समान मते पडल्यास‎ निर्णायक मत देण्याचा अधिकारही‎ सरपंचाला देण्यात आला आहे.‎ याविषयी ग्रामविकास विभागाने‎ जिल्हाधिकाऱ्यांना पत्र पाठवून‎ अवगत केल्याची माहिती‎ तहसीलदार सारिका कदम यांनी‎ दिली.

दरम्यान,उपसरपंचपद‎ आपल्याला मिळावे यासाठी अनेक‎ ग्रामपंचायत सदस्यांनी लॉबिंग सुरू‎ केली आहे.‎ भोकरदन तालुक्यातील एकूण ३२‎ ग्रामपंचायतींपैकी प्रथम ११ ग्रा.पं.‎ मध्ये कठोरा जैनपूर, सावंगी‎ आवघडराव, कोठाकोळी,‎ जयदेवाडी, मनापूर, निंबोळा,‎ लतीफपुर/फुलेनगर, तपोवन/तपोवन‎ तांडा, खामखेडा, वालसा खालसा,‎ जवखेडा बु. या गावात येत्या ४‎ जानेवारी २०२३ सकाळी १० वाजता‎ तर उर्वरीत नांजा/क्षीरसागर‎ करजगांव, पद्मावती, भिवपूर,‎ ताडकळस, पळसखेडा दाभाडी,‎ पिंपळगाव बारव/पळसखेडा ठोंबरे,‎ वालसा डावरगाव, जवखेडा खु. या‎ १० ग्रा.पं.ची ४ जानेवारी २०२३ दुपारी‎ २ वाजता उपसरपंचपदासाठी‎ निवडणूक होणार आहे. या शिवाय‎ चोऱ्हाळा-मासनपूर, मोहळाई,‎ शेलुद, वरुड बु., गोकुळ, वडशेद,‎ पिंप्री, राजूर, देहेड, गव्हाण‎ संगमेश्वर, एकेफळ या‎ ग्रामपंचायतमधील उपसरपंचांची‎ निवडणूक ५ जानेवारी रोजी होणार‎ आहे. सरपंचाच्या अध्यक्षतेखाली या‎ ग्रामपंचायतींची पहिली सभा घेतली‎ जाऊन त्यात उपसरपंचाची निवड‎ होणार आहे. त्यासाठी एकूण १५‎ प्राधिकृत अधिकाऱ्यांची नावेही‎ भोकरदनच्या तहसीलदार डॉ.‎ सारिका कदम यांनी निश्चित केली‎ आहेत.

या वर्षी सरपंचांची निवड थेट‎ जनतेतून करण्यात आली. त्यामुळे‎ अनेक गावांमध्ये सरपंच एका‎ पॅनलचा तर दुसऱ्या पॅनलला बहुमत‎ मिळाले. त्यामुळे आता‎ उपसरपंचपदासाठी चढाओढ निर्माण‎ झाली आहे. १८ डिसेंबर रोजी‎ ग्रामपंचायतींचे कारभारी निवडल्या‎ गेले. कुठे पॅनलला बहुमताचा कौल‎ तर कुठे सरपंच आले आणि सदस्य‎ पराभूत झाले. कुठे बहुमताच्या‎ आकड्यापासून पॅनल दूर अशी‎ स्थिती आहे. आता तालुक्यातील ३२‎ ग्रामपंचायतींत उपसरपंच निवडीच्या‎ हालचालींना वेग आला आहे.‎ किमान उपसरपंचपद आपल्याकडे‎ राहावे, यासाठी रस्सीखेच सुरू‎ झाली आहे. गटातटातील हालचाली‎ वाढल्या असून उपसरपंच निवड‎ प्रक्रियेची प्रतीक्षा सुरू झाली आहे.‎

महिनाभरापासून सुरू असलेल्या‎ ग्रामपंचायत निवडणुकीने तापलेले‎ वातावरण थंड होऊ लागले आहे.‎ प्रत्येक पॅनलमध्ये निवडून आलेल्या‎ सदस्यांचे संख्याबळही सर्वांना‎ ठाऊक झाले आहे. परंतु उपसरपंच‎ कोण हे अद्यापही ठरलेले नाही.‎ उपसरपंचपद आपल्याला मिळावे‎ यासाठी अनेकांनी लॉबिंग सुरू केली‎ आहे. उपसरपंचाची निवड‎ सदस्यांमधून होणार असल्याने‎ गावपुढाऱ्यांची पुन्हा डोकेदुखी‎ वाढलेली आहे.‎