दिव्य मराठी विशेष:एसटीचे तिकीट यंत्र वारंवार नादुरुस्त होत‎ असल्याने स्थानिक बस धावताहेत विलंबाने‎

‎ एसटीच्या प्रवाशांची‎ वाहकांबराेबरची होणारी किरकिर‎ कमी करण्यासाठी तिकिटाची‎ रक्कम पाच तसेच दहा रुपये अशी‎ सरसकट करण्यात आली आहे.‎ यात पुढे जावुन तिकीट यंत्रही‎ डिजिटल केले असून, अॅन्ड्राईड‎ यंत्रही दाखल होणार आहे. मात्र,‎ सध्या उपलब्ध असलेल्या यंत्रामुळे‎ वाहकांची मोठी डोकेदुखी वाढली‎ आहे. मध्येच यंत्र शिट्टी मरत आहे,‎ तर बॅटरीही टिकत नसल्याने‎ वाहकांची मोठी कोंडी होत आहे.‎ परिणामी यंत्राच्या दुरुस्तीमुळे ३० ते‎ ६० किमी अंतराच्या लोकल‎ फेऱ्यांना विलंब होत आहे.‎ जिल्ह्याला तब्बल ६३० नव्या यंत्राची‎ गरज आहे.‎ नागरिकांच्या प्रवासाची धमनी‎ म्हणून ओळखल्या जाणाऱ्या‎ लालपरीने आता डिजिटल सेवेकडे‎ वळण घेतले आहे. यात तिकीट‎ यंत्राची भर पडली आहे. एसटीचा‎ प्रवास करताना सुट्या पैशांसाठी‎ वाहक व प्रवासी यांच्यात नेहमीच‎ वाद होतात. ही समस्या‎ सोडवण्याच्या उद्देशाने एसटी‎ महामंडळाने १ एप्रिलपासून अँड्रॉइड‎ मशिन देण्याचे नियोजन केले होते.‎ यापुर्वी वाहकांना प्रशिक्षण दिले‎ जाणार असल्याचे सांगण्यात आले‎ होते, असे काही झाले नाही. मात्र,‎ उपलब्ध असलेल्या तिकीट‎ यंत्रामुळे वाहकांची मोठी डोकेदुखी‎ वाढली आहे.‎ बॅटरी चार्ज होत नसल्याने गाड्यांना‎ विलंब होत आहे. तर चालत्या‎ बसमध्ये तिकीट यंत्रातून शिट्टीचा‎ आवाज येत आहे. तर काही हँग‎ होत असल्याने वेळो वेळी चालू बंद‎ करावे लागत आहे. या प्रकारामुळे‎ वाहक पुर्णपणे वैतागले असून, नव्या‎ यंत्राची आहे.‎

धावत्या बसमध्येच‎ यंत्राची चार्जिंग‎
चार्जिंग टिकत नसल्याने गाडीत‎ यंत्र चार्जिंग करण्याचा फंडा‎ वापरला जात आहे. यंत्र हे‎ लाइटवरच चार्ज करण्यात यावेत,‎ असे आदेश एसटीच्या‎ अभियांत्रिकी विभागाकडून‎ वाहकांना दिले आहेत. मात्र,‎ वेळेची बचत करण्यासाठी असे‎ जुगाड करावे लागत असल्याचे‎ एका वाहकाने नाव न‎ छापण्याच्या अटीवर सांगितले.‎