आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जनजागृती:कारखाना कार्यक्षेत्रातील‎ प्रत्येक गावामध्ये बैठक‎; ऊस उत्पादक, कामगारांत करणार जागृती‎

जालना25 दिवसांपूर्वी
  • कॉपी लिंक

‎जालना सहकारी साखर कारखाना कार्यक्षेत्रातील गावात विभाग,‎ गटनिहाय शेतकरी ऊस उत्पादक ‎बागायतदार कामगार यांच्या‎ जनजागृती बैठका घेतल्या जाणार ‎ ‎ आहेत.‎ आमदार कैलास गोरंट्याल यांच्या प्रमुख उपस्थितीत शुक्रवारपासून या ‎ बैठका होतील, अशी माहिती‎ जनजागृती बैठकांचे मुख्य संयोजक‎ डॉ. संजय लाखे पाटील यांनी दिली.‎ या बैठकीमध्ये कारखान्याचे माजी ‎चेअरमन रामप्रसाद कुलवंत, ज्येष्ठ‎ नेते ज्ञानेश्वर भांदरगे, अंकुशराव‎ राऊत, डी. के. मोरे आदींची प्रमुख ‎ ‎ उपस्थिती राहणार आहे.

जालना सहकारी साखर कारखान्याची‎ चुकीच्या पद्धतीने व‎ बेकायदेशीररीत्या झालेली विक्री, खाजगी कंपन्यांची अदलाबदली,‎ गेल्या १२ वर्षापासून खरेदीदार‎ खाजगी कंपनीने कारखाना चालू न‎ केल्यामुळे झालेली कारखाना‎ संपत्ती, मशिनरीची वाताहत,‎ बेकायदा विल्हेवाट, ऊस उत्पादक‎ शेतकऱ्यांचे आणि कामगार, मजूर‎ तसेच कारखाना कार्यक्षेत्रातील‎ कारागीर, छोटे व्यावसायिक यांचे न‎ भरून येणारे नुकसान यावर या‎ बैठकीमध्ये चर्चा केली जाणार आहे.‎

उपस्थितचे केले आवाहन‎
पहिल्या टप्प्यात म्हणजे शुक्रवार‎ सकाळी १० वाजता देवी मंदीर,‎ वाघरुळ, दुपारी १ वाजता वटेश्वर‎ मंदीर, नेर, दुपारी ४ वाजता‎ रामनगर, सायंकाळी ६ वाजता‎ गोलापांगरी येथे या बैठका होतील.‎ यावेळी आजी- माजी पदाधिकारी,‎ संचालक शेतकरी, कामगार‎ बांधवांनी या बैठकीस उपस्थित‎ राहावे, असे आवाहन मुख्य‎ संयोजक डॉ. संजय लाखे पाटील,‎ ॲड. सोपानराव भांदरगे, सुभाष‎ कोळकर, सुरेशराव खडके, माऊली‎ कदम, ज्ञानेश्वर डुकरे, अशोकराव‎ देशमुख, चंद्रकांत देशमुख,‎ कमलाकरराव अंभुरे, अरुणराव‎ वझरकर, प्रल्हादराव हेकाडे,‎ लक्ष्मणराव राजे शिंदे, परसराम‎ मोहिते आदींनी केले आहे.‎

बातम्या आणखी आहेत...