आगळेवेगळे:बीजतुला करून साजरा केला लेकीचा वाढदिवस‎, गिर्यारोहक विनोद सुरडकर यांचा उपक्रम‎, 4 जिल्ह्यांतून जमवल्या बिया

निसर्गप्रेमी, गिर्यारोहक असलेले विनोद सुरडकर‎ हे सातत्याने पर्यावरणपूरक उपक्रम राबवतात.‎ शुक्रवारी त्यांची लेक वसुंधरा पहिला वाढदिवस‎ ‎ साजरा करण्यासाठी त्यांनी‎ ‎ अशीच निसर्गप्रेमी शक्कल‎ ‎लढवली. दुर्मिळ, देशी‎ ‎ वृक्षांच्या बियांनी बीज तुला‎ ‎ करुन त्यांनी लेकीचा पहिला‎ ‎ वाढदिवस साजरा केला‎ ‎ आहे.

लेकीचे वजन 10‎ ‎ किलो असले तरी त्यांनी‎ यवतमाळ, वाशिम,बीड, सोलापूर या चार‎ जिल्ह्यातून पर्यावरणप्रेमींच्या मदतीने 12 किलो‎ वृक्षांच्या बिया या उपक्रमासाठी गोळा केल्या‎ आहेत.‎ विनोद व सपना सुरडकर या दाम्पत्याने लेकीच्या‎ जन्मापासून पर्यावरण जागृतीचा संदेश देण्यासाठी‎ उपक्रम हाती घेतला आहे. त्यामुळेच लेकीचे‎ नामकरण त्यांनी थेट कळसूबाई शिखरावर केले‎ होते.

पर्यावरणप्रेमींची उपस्थिती

आता वाढदिवसही अशाच अनोख्या‎ पद्धतीने साजरा करणार करण्यात आला. जालना नजीकच्या‎ पारसी टेकडीवर शुक्रवारी सकाळी 7 वाजता‎ अनोख्या उपक्रमाने हा वाढदिवस साजरा झाला. यावेळी पारसी टेकडी संवर्धनासाठी काम‎ करणारे उद्योग,व्यापार, प्रशासनातील‎ अधिकारी-कर्मचारी, पर्यावरणप्रेमींची उपस्थिती‎ असणार आहे. पर्यावरणाप्रती जनजागृतीसाठी हा‎ उपक्रम राबवल्याचे विनोद सुरडकर यांनी‎ सांगितले.

गेल्या चार महिन्यांपासून ते या‎ अनोख्या संकल्पनेवर काम करित होते. त्यासाठी‎ त्यांनी स्वत: विविध ठिकाणी फिरुन देशी व‎ दुर्मिळ वृक्षांच्या बिया संकलित केल्या. याशिवाय‎ पर्यावरणप्रेमी मित्रांकडून त्यांनी बिया संकलित‎ केल्या.‎

पालखी मार्गावर टाकणार सीड बॉल‎

वसुंधरा हिच्या पहिल्या वाढदिवसानिमित्त‎ ज्या साडेबारा किलो बिया गोळा करण्यात‎ आल्या होत्या त्यापैकी काही बियांचे रोपण‎ पारसी टेकडी येथे केले जाणार आहे. तर‎ उर्वरित बियांचे शास्त्रशुध्द पध्दतीने सीड‎ बॉल तयार करुन ते आळंदी ते पंढरपूर या‎ दिंडी मार्गावर टाकले जाणार आहे.‎

या झाडांच्या बियांचा समावेश

सुरडकर यांनी कमी झाडांच्या बिया गोळा‎ करताना ती साडे सावली देणारी व पक्षांना‎ पळे देणारी असावी हा विचार केला आहे.‎ त्यामुळेच यात त्यांनी सावरी, ढेऱ्या, साग,‎ गुलमोहर, बकूळ, काशिद, चिंच , पेल्ट्रोफाम,‎ करंज, लींब, पेरु, आंबा, वड, जांभुळ आदी‎ झाडांच्या बियांचा समावेश आहे.‎

11 वृक्षांची राेपटीही लावणार‎

वाढदिवसानिमित्त लेकीची बीज तुला करुन‎ सुरडकर कुटूंब थांबणार नसुन त्यांनी‎ यानिमित्ताने वड,आंबा, लिंब यांची 11 झाडे‎ लावण्याचे ठरवले आहे. पावसाळा सुरु‎ हाेण्यासाठी एक महिना असल्याने पुढील‎ महिनाभर झाडांची काळजी घेण्यासाठी‎ त्यांनी स्वत: तयारी केली आहे. त्यामुळे ही‎ 11 झाडे लावून त्यांचे जतन करायचे व‎ दरवर्षी यात भर टाकायची असा त्यांचा‎ संकल्प आहे.‎