मानसिक तणावातून कृत्य:नगर‎​​​​​​​पालिकेच्या कर्मचाऱ्याची‎ गळफास घेऊन आत्महत्या

जालना नगरपालिकेमध्ये अकाउंटंट पदावर‎ कार्यरत असलेल्या कर्मचाऱ्याने राहत्या‎घरात नायलाॅन दोरीने‎पंख्याला गळफास घेऊन‎आत्महत्या केली. ही घटना‎खरपुडी रोडवरील‎हरिगोविंदनगर येथे‎बुधवारी सकाळी ६‎ वाजेच्या सुमारास घडली. अनंता‎ भीमाशंकर लांडे (५१) असे मृताचे नाव‎ आहे.‎ माहिती मिळताच तालुका पोलिस‎ ठाण्याचे उपनिरीक्षक सय्यद माजिद, पोलिस‎ कॉन्स्टेबल किशोर जाधव, हेड कॉन्स्टेबल‎ संदीप बेराड यांच्यासह पालिकेचे‎ मुख्याधिकारी, अधिकारी-कर्मचारी तसेच‎ अनेक नगरसेवक घटनास्थळी दाखल‎ झाले.

पोलिसांनी घटनेचा पंचनामा करून‎ मृतदेह शवविच्छेदनासाठी शासकीय‎ सामान्य रुग्णालयात पाठवण्यात आला.‎ रात्रभरापासून ते मानसिक तणावमध्ये होते.‎ रात्री तीन वाजता ते घरातून विहिरीमध्ये उडी‎ घेण्यासाठी निघाले असताना पत्नीने त्यांना‎ समजावून ओढून घरात आणले. मात्र,‎ घरात येताच त्यांनी रूममध्ये प्रवेश केला‎ आणि आतमधून कडी लावून घेतली. बराच‎ वेळ पत्नी घराबाहेरच थांबून होती, अशी‎ माहिती परिसरातील नागरिकांनी दिली.‎