शिक्षा सुनावली:बेकरी कामगाराचा खून;‎ आरोपीला झाली जन्मठेप‎

घनसावंगी तालुक्यातील तीर्थपुरी‎ येथील शहागड रोडवरील समर्थ‎ बेकरीत काम करणाऱ्या २४ वर्षीय‎ तरुण ज्ञानेश्वर बंडू शेडगे याचा‎ झोपेतच गळ्यावर कुऱ्हाडीचे घाव‎ घालून आरोपी सचिन पांडुसिंग परदेशी‎ याने निर्घृण खून केल्याची घटना २३‎ फेब्रुवारी २०२१ रोजी मध्यरात्री घडली‎ होती. याप्रकरणी अंबड येथील जिल्हा‎ व सत्र न्यायाधीश एन. व्ही. निरेश्वर‎ यांनी १ मार्च २०२३ आरोपी सचिन‎ परदेशी (सोनई, ता. नेवासा, जि.‎ अहमदनगर) यास खूनप्रकरणी दोषी‎ ठरवून जन्मठेपेची शिक्षा ठोठावण्यात‎ आली.‎ तीर्थपुरी येथे शहागड रोडवर रामहरी‎ तुळशीराम सुरोसे (कृष्णनगर,‎ साडेगाव) व संतोष बापूसिंग परदेशी‎ (कडा आष्टी, ता.जि. बीड) या‎ दोघांच्या मालकीचे समर्थ बेकरीचे‎ दुकान होते.

मृत ज्ञानेश्वर बंडू शेडगे‎ (घुंगर्डे हदगाव, ता. अंबड) हा तीन‎ वर्षांपासून बेकरीत कामाला होता.‎ बेकरीवर मृत ज्ञानेश्वर शेडगे व सचिन‎ परदेशी हे दोघेच होते. आरोपी सचिन‎ परदेशी हा बेकरीतील पैसे चोरत‎ असताना मृत ज्ञानेश्वर याने पाहिले‎ होते. पैसे चोरल्याचे मालकास सांगेल‎ या कारणावरून तसेच मृत ज्ञानेश्वर हा‎ बेकरीमध्ये जास्त काम सांगत‎ असल्याचा राग सचिनला अगोदरच‎ होता. या कारणावरून आरोपीने त्या‎ रात्री मृत ज्ञानेश्वर हा बाजेवर झोपी‎ गेला असता धारदार कुऱ्हाडीने‎ गळ्यावर, कपाळावर घाव घालून‎ झोपेतच खून केला होता. फिर्यादी‎ मृताचे वडील बंडू लक्ष्मण शेडगे, पंच‎ साक्षीदार राम सुरवसे, संतोष परदेशी,‎ दिगंबर परिहार, संदीप मापारे, प्राथमिक‎ आरोग्य केंद्र तीर्थपुरी येथील वैद्यकीय‎ अधिकारी डॉ. किशोर नाटकर, तपासी‎ पोलिस उपनिरीक्षक गजानन कौळासे‎ यांच्या साक्ष महत्त्वाच्या ठरल्या.‎ सरकार पक्षातर्फे जिल्हा सहायक‎ सरकारी वकील वाल्मीक घुगे यांचा‎ युक्तिवाद विद्यमान न्यायालयाने ग्राह्य‎ धरून आरोपीस जन्मठेपेची शिक्षा‎ आणि पाचशे रुपये दंड व दंड न‎ भरल्यास सहा महिने साध्या कैदेची‎ शिक्षा सुनावली. तसेच कोर्ट पैरवी‎ बळीराम खैरे, शंकर परदेशी, अवचार‎ यांनी मदत केली.‎