आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

आवाहन:लोकशाहीच्या सक्षमीकरणासाठी‎ नवमतदारांनी नोंदणी करावी : नेटके‎

जालना‎8 दिवसांपूर्वी
  • कॉपी लिंक

भारत निवडणूक आयोगाने वर्षातून चार‎ वेळा नवमतदारांना नाव नोंदणीची संधी‎ उपलब्ध करून दिली आहे. यामुळे राष्ट्रीय‎ मतदार दिनाचे औचित्य साध्य होण्यासाठी व‎ लोकशाहीच्या सक्षमीकरणासाठी‎ नवमतदारांनी मतदार नोंदणी अवश्य करावी,‎ असे आवाहन निवासी उपजिल्हाधिकारी‎ केशव नेटके यांनी केले.‎ राष्ट्रीय मतदार ‍दिनानिमित्त बुधवारी‎ जिल्हाधिकारी कार्यालय परिसरात‎ आयोजित कार्यक्रमात ते बोलत होते. नेटके‎ म्हणाले, सर्व विद्यार्थ्यांनी आपल्या वयाची‎ १८ वर्षे पूर्ण होताच आपले नाव मतदार‎ यादीत नोंदवावे. निवडणूक आयोगाने‎ मतदार नोंदणीसाठी ऑनलाईन व‎ ऑफलाईन हे दोन्ही पर्याय ठेवले आहेत.‎ आपणास अनुरुप अशा कोणत्याही प्रकारे‎ आपली नोंदणी करु शकता.

या वर्षाची थीम‎ मतदाना इतके अमूल्य नसे काही, बजावू‎ हमखास मताधिकार आम्ही हे असल्याचेही‎ त्यांनी सांगितले. दिव्यांग आयकॉन निकेश‎ मदारे म्हणाले, भारत हा लोकशाही प्रधान‎ देश आहे. मतदानाच्या प्रक्रियेत सर्वांना‎ सामील होता यावे या भावनेतून निवडणूक‎ आयोगाने दिव्यांगाना नोंदणीपासून ते मतदान‎ करेपर्यंत उपयुक्त अशा सुविधा उपलब्ध‎ करुन दिल्या आहेत.

देशात मतदानाचा‎ टक्का दिवसेंदिवस वाढत चालला असून,‎ प्रत्येकाने नावनोंदणी करुन मतदानाचा हक्क‎ बजावावा, असे आवाहन त्यांनी केले. या‎ कार्यक्रमात राष्ट्रीय मतदार दिनानिमित्त‎ आयोजित निबंध लेखन, रांगोळी,‎ घोषवाक्य, चित्रकला स्पर्धेतील प्रथम,‎ द्वितीय आणि तृतीय क्रमांक पटकावलेल्या‎ विद्यार्थ्यांचा प्रमाणपत्र व स्मृतिचिन्ह देवून‎ गौरवण्यात आले.‎

बातम्या आणखी आहेत...