निवड:महिन्याच्या दुसऱ्या बुधवारी प्लेसमेंट ड्राइव्ह‎

नोकरीच्या शोधात असलेल्या जालना‎ जिल्ह्यातील युवक-युवतींना विविध खासगी‎ कंपन्या, कारखाने, उद्योग-व्यवसाय आणि‎ आस्थापनाकडील रोजगाराच्या संधी‎ उपलब्ध करण्याच्या उद्देशाने प्रत्येक‎ महिन्याच्या दुसऱ्या बुधवारी रोजगार‎ सहाय्यासाठी विशेष मोहिम सुरु करण्यात‎ आली आहे. यानुसार जिल्हा कौशल्य‎ विकास, रोजगार व उद्योजकता मार्गदर्शन‎ केंद्र जालना यांच्यामार्फत डॉ. बाबासाहेब‎ आंबेडकर सामाजिक न्याय भवनातील‎ सांस्कृतिक सभागृहात ८ मार्च रोजी सकाळी‎ ११ ते दुपारी २ वाजेपर्यंत प्लेसमेंट ड्राईव्ह‎ जागेवर निवड संधी आयोजित करण्यात‎ आली आहे.

तरी उमेदवारांनी उपस्थित राहून‎ प्लेसमेंट ड्राइव्हमध्ये सहभागी व्हावे आणि‎ रोजगाराच्या या पर्वणीचा लाभ घ्यावा, असे‎ आवाहन कौशल्य विकास रोजगार व‎ उद्योजकताचे सहायक आयुक्त संपत चाटे‎ यांनी केले आहे.‎ रिक्त पदासाठी ऑनलाईन पद्धतीने‎ आपला पसंती क्रमांक नोंदवावा आणि‎ किमान दोन प्रतीत बायोडाटासह फोटो आणि‎ आधारकार्ड, सेवायोजन नोंदणी कार्ड,‎ शैक्षणिक व व्यावसायिक पात्रता आदी‎ कागदपत्रे कंपनींना देण्यासाठी छायांकित‎ प्रतीचा संच सोबत ठेवून ८ मार्च रोजी‎ सकाळी १० वाजता प्रत्यक्ष मुलाखतीसाठी‎ डॉ. बाबासाहेब आंबेडकर सामाजिक न्याय‎ भवन, सांस्कृतिक सभागृह, जिल्हाधिकारी‎ कार्यालय समोर जालना येथे उपस्थित‎ राहावे, असे आवाहन चाटे यांनी केले आहे.‎‎