प्रतिपादन:व्यावसायिक धाडसा शिवाय‎ प्रगती शक्य नाही : नावंदर‎

तरूणांनी करिअर करत असताना ‎ ‎ धाडस केल्याशिवाय पर्याय नाही, व्यवसायात यशस्वी व्हायचे असेल‎ तर धाडस करावेच लागते त्यासाठी ‎सर्वप्रथम व्यवसाय निवड, त्यातील ‎धोके व त्याला मिळणारा प्रतिसाद‎ याची सांगड घातली तर प्रगती‎ होतेच असे प्रतिपादन ॲड. राहुल नावंदर यांनी केले.‎ पाथ्रीकर कॅम्पस येथील निर्मल‎ क्रीडा व समाज प्रबोधन ट्रस्ट‎ संचलित इन्स्टिटयूट ऑफ मॅनेजमेंट ‎ ‎ (एम.बी.ए.) विद्यार्थ्यांसाठी संस्थेचे ‎व्यवस्थापकीय संचालक डॉ. देवेश ‎पाथ्रीकर यांच्या मार्गदर्शनाखाली व्यवसायभिमूख व्यवसाय निवड व ‎ ‎ तयारी कशी करावी या विषयावर‎ ॲङ राहुल नांवदर यांचे व्याख्यान आयोजित करण्यात आले होते. .

या‎ वेळी मॅनेजमेंट विभागाचे डायरेक्टर‎ डॉ. शेख आबेद, फार्मसी‎ विभागाच्या प्राचार्या डॉ. स्वाती‎ रावत, प्रा. सुनिल जायभाये, अनिल‎ सपकाळ, टिंवकल स्टार स्कूलच्या‎ मुख्याध्यापिका निशिगंधा देशमुख‎ आदींची उपस्थिती होती. ॲड.‎ नावंदर म्हणाले, व्यवसाय‎ निवडताना प्रोफेशनल व्यवसाय‎ निवडावा त्यासाठी बाजारपेठ,‎ त्याला लागणारे मनुष्यबळ आदीची‎ पाहणी करावी. सध्याच्या युगात‎ समाजमाध्यमांचा (सोशल‎ मिडिया) बोलबाला आहे या‎ समाजमाध्यमाचा वापर आपण‎ आपल्या करिअर व व्यवसायासाठी‎ केला तर यश आणखी जवळ येते.‎

करिअर निवडताना खबदारी‎ घेण्याबरोबरच योग्य व्यक्तींचा‎ सल्ला घेण्याची ही गरज असते. या‎ साठी पाथ्रीकर कॅम्पस येथील अनेक‎ शिक्षक तत्पर असतात त्यामुळे‎ त्यांचे मार्गदर्शन घेऊन करिअर‎ निवडले तर तुम्हाला यशस्वी‎ होण्याची गुरूकिल्लीच येथे मिळेल.‎ सूत्रसंचलन प्रा. कोमल बरडिया‎ यांनी तर डायरेक्टर डॉ. आबेद शेख‎ यांनी आभार मानले. या व्याख्यानात‎ ॲङ नावंदर यांनी विद्यार्थ्यांना‎ करिअरची सुरुवात करताना‎ येणाऱ्या अडचणी व त्यावर कशी‎ मात करावी या विषयी सदोहारण‎ मार्गदर्शन केले. यशस्वी‎ करण्यासाठी कल्याण देवकते,‎ चेतन निरखे, मानिका इवरकर,‎ बारावके पल्लवी आदींनी परिश्रम‎ घेतले.‎