सूचना‎:जनऔषधी केंद्रातील‎ औषधांचा प्रचार-प्रसार करा‎

देशात गरिबांना हक्क व सन्मानाने‎ जगण्याचा अधिकार आहे. विविध‎ शासकीय कल्याणकारी योजनांच्या‎ माध्यमातून त्यांचा स्तर उंचावण्याचा‎ नेहमीच प्रयत्न केला जातो. त्याचाच‎ एक भाग म्हणून प्रधानमंत्री नरेंद्र‎ मोदी यांच्या संकल्पनेतून गरिबांना‎ खासगी मेडिकल दुकानावरून‎ अत्यंत माफक दरात जनऔषधी‎ केंद्राच्या माध्यमातून औषधी‎ उपलब्ध करुन देण्यात येत आहेत.‎ मात्र, बऱ्याचशा लोकांना या‎ जनऔषधी केंद्रातून मिळणाऱ्या‎ औषधांची माहिती नाही, त्यामुळे‎ याचा मोठ्या प्रमाणात प्रचार-प्रसार‎ होणे आवश्यक आहे.

अन्न व‎ औषध प्रशासनाने प्रचार व‎ प्रसिद्धीवर भर द्यावा, असे निर्देशही‎ रेल्वेमंत्री रावसाहेब दानवे यांनी‎ दिले.‎ जालना येथील अन्न व औषध‎ प्रशासन विभाग आणि संभाजीनगर‎ येथील प्रधानमंत्री जनऔषधी‎ केंद्राच्या संयुक्त विद्यमाने जालना‎ शहरातील भोकरदन नाक्यावरील‎ आयएमए हॉलमध्ये आयोजित‎ कार्यक्रमात ते बोलत होते. यावेळी‎ जिल्हाधिकारी डॉ. विजय राठोड,‎ जिल्हा शल्य चिकित्सक डॉ.‎ अर्चना भोसले, जिल्हा आरोग्य‎ अधिकारी डॉ. जयश्री भुसारे‎ आदींची उपस्थिती होती.‎