दिव्य मराठी विशेष:सुरक्षेला प्राधान्य देत ग्राहकाभिमुख सेवा द्या‎ ; उपअभियंता प्रदीप दारकोंडे यांचे प्रतिपादन

महावितरण ही सेवा देणारी कंपनी‎ आहे. अशा वीज सेवेच्या क्षेत्रातील‎ लाईनमन हा महावितरणचा चेहरा‎ आहे. घरोघरी प्रकाश देणारा दुवा‎ असल्याने लाईनमनने आपल्या‎ सुरक्षेला प्राध्यान्य देत ग्राहकाभिमूख‎ सेवा देण्याच काम करत कंपनीच्या‎ आर्थिक स्थैर्यासाठी संपुर्ण‎ कार्यक्षमतेने कार्यरत रहावे, असे‎ प्रतिपादन भोकरदन महावितरणचे‎ प्रभारी उपअभियंता प्रदीप दारकोंडे‎ यांनी केले.‎ भोकरदन येथे लाईनमनबद्दल‎ कृतज्ञता व्यक्त करण्यासाठी‎ रत्नमाला लॉन्समध्ये लाईनमन‎ दिवस साजरा करण्यात आला.‎ यावेळी ते बोलत होते. व्यासपीठावर‎ कनिष्ठ अभियंता प्रदीप सातदिवे,‎ मयुर बुलगे, गोसावी, प्रदिप गावंडे,‎ वर्कर्स फेडरेशन संघटनेचे एन.‎ जी.जाधव, संतोष मिसाळ, संदिप‎ कोल्हे, रवि वाघ, केशव पगारे‎ आदींची उपस्थिती होती.

दारकोंडे‎ म्हणाले, ग्राहकांसोबत थेट संबंध‎ असलेला कर्मचारी म्हणजे‎ लाईनमन आहे. त्यामुळे‎ लाईनमनच्या वागणुकीवरच‎ कंपनीची प्रतिमा ठरत असते.‎ कोरोना काळात जीवावर उदार होत‎ लाईनमननी दिलेली सेवा ही‎‎‎‎‎‎‎‎‎‎‎‎ गौरवास्पद आहे. एकप्रकारे कोरोना‎ यौध्दाचेच काम आपण केलेले‎ आहे. अखंडित वीज‎ पुरवठयासोबतच थकबाकी वसुली‎ हे सुध्दा मोठे आव्हान आहे. मला‎‎‎‎‎‎‎‎‎‎‎‎ माहीत आहे, सकाळी आठ वाजता‎ घराबाहेर पडलेला माझा लाईनमन‎ रात्री उशिरा पर्यंत कार्यरत असतो.‎ मागील काही काळात शंभर‎ टक्कयांपेक्षा जास्त वीजबील‎ वसुलीचे काम आपण केलेले आहे.‎

पुढील काळातही मंडळाची वसुली‎ क्षमता वाढवायची आहे. त्यादृष्टीने‎ नियोजनबध्द काम करत सांधिक‎ कार्यालयाने दिलेले लक्ष्य साध्य‎ करायचे आहे, असे सांगत‎ वीजयंत्रणेवर काम करत असताना‎ सुरक्षा साधनांचा वापर करत‎ वीजसेवा बजावावी असे आवाहन‎ केले. सुत्रसंचलन एम.जी.जाधव‎ यांनी तर आर. एस. जाधव यांनी‎ आभार मानले. यावेळी लाईनमन‎ विष्णू इंगळे, स्वप्निल जोशी,‎ भास्कर नामदे, विनोद नामदे,‎ गजानन देवरे, दिपक देवरे, विशाल‎ दांडगे, बरडे उपस्थिती होती.‎