जनजागृती:दरेगावातील जिल्हा परिषदेच्या शाळेत करण्यात आली जनजागृती

युनिसेफ, महिला व बालविकास विभाग, एसबीसी, नेहरू युवा केंद्र व युवा बहुद्देशीय सेवाभावी संस्था जालना यांच्या संयुक्त विद्यमाने आयोजित ‘सक्षम युवा शक्ती दिन’ हा उपक्रम २९ व ३० नोव्हेंबर रोजी दरेगाव येथील जिल्हा परिषद शाळेत राबविण्यात आला. या अंतर्गत किशोरवयीन मुला-मुलींमध्ये लिंग समानता यावी यासाठी, मुलांची रांगोळी तर मुलींची थ्रो बॉल स्पर्धा घेण्यात आली. त्यानंतर गावामध्ये प्रभात फेरी घेण्यात आली.

गावांमध्ये बालविवाह निमित्त़ पथनाटयाचे आयोजन करण्यात आले व पथनाट्यामधून बालविवाहाचे दुष्परिणाम व त्यामुळे होणारे मुलीच्या आरोग्यावरील परिणाम बददल गावकऱ्यांना मार्गदर्शन केले. यावेळी कोमल चाटे, राधाबाई ढवळे, विष्णु पिवळ, गणेश ढवळे, वसंत सुर्वे, बाळकृष्ण साळुंके यांची उपस्थिती होती.