मजूर फेडरेशनच्या निवडणुकीत दोघा उमेदवारांचा पराभव‎:पुष्पा महाजन, पती ज्ञानेश्वर‎ महाजन यांची अनामत जप्त‎

मजूर फेडरेशनसाठी रविवारी झालेल्या‎ निवडणुकीत २३१पैकी २०८ मतदारांनी‎ मतदानाचा हक्क बजावला. सर्वसाधारण‎ गटासाठी १६ उमेदवार बिनविराेध झालेले‎ असल्याने सर्वसाधारण (धरणगाव), इतर‎ मागासवर्गीय व महिला राखीव या तीन‎ मतदारसंघांसाठी मतदान झाले. धरणगावच्या‎ माजी नगराध्यक्षा रत्नाबाई (पुष्पा) ज्ञानेश्वर‎ महाजन व त्यांचे पती ज्ञानेश्वर भादू महाजन‎ यांनी तिन्ही मतदारसंघातून उमेदवारी अर्ज‎ केल्याने ही निवडणूक प्रतिष्ठेची झाली हाेती.‎ मात्र या दांपत्याला तिन्ही ठिकाणी केवळ‎ एकमेव मत मिळाल्याने त्यांच्यावर डिपाॅझिट‎ जप्त हाेण्याची वेळ अाली.

या दाेघांनी‎ मतदानाचा हक्कच बजावलेला नसल्याने‎ त्यांना मिळालेले मतही प्रत्यक्षात त्यांचे नाही.‎ मजूर फेडरेशनच्या निवडणुकीसाठी राज्य‎ सरकारी कर्मचारी संघटनेच्या‎ स्वातंत्र्य‎ चौकातील कार्यालयात‎ सकाळी ८ वाजेपासून‎ मतदान झाले. मजुरांच्या २८२ संस्थांपैकी २३१‎ सभासदांनीच मतदानाचा ठराव केल्याने २३१‎ मतदारच मतदानासाठी पात्र हाेते. ज्ञानेश्वर‎ महाजन यांनी सर्वसाधारण (धरणगाव) व‎ इतर मागासवर्गीय या दाेन मतदारसंघातून अर्ज‎ दाखल केला हाेता. सर्वसाधारण‎ (धरणगाव) मध्ये ते दिलीप उत्तमराव धनगर‎ यांच्या विराेधात उभे हाेते. त्यांना एक मत तर‎ दिलीप धनगर यांना २०७ मते पडून ते विजयी‎ झाले.

इतर मागासवर्गीय मतदार संघात‎ ज्ञानेश्वर महाजन हे राेहिदास मधुकर पाटील‎ यांच्या विराेधात उभे हाेते. येथेही महाजन‎ यांना केवळ एक मत मिळाले. तर २०६‎ मतांसह राेहिदास पाटील हे विजयी झाले.‎ महिला राखीव मतदारसंघात तिहेरी लढत‎ हाेती. पुष्पा महाजन यांना केवळ एक मत‎ मिळाले. १९९ मतांसह महिला काँग्रेसच्या‎‎ जिल्हाध्यक्षा सुलोचना वाघ दुसऱ्यास्थानी‎ राहिल्या. तर राष्ट्रवादी महिला‎ महानगराध्यक्ष‎ मंगला पाटील यांना सर्वाधिक २०६ मते‎ मिळाल्याने त्या विजयी झाल्या. मजुरांच्या‎ संस्थांचे सदस्य असलेले अनेक मतदार‎ अापल्या कारमधून मतदानासाठी आले होते.‎