दिव्य मराठी विशेष:देशसेवा पूर्ण करून सेवानिवृत्त जवान लोखंडे यांचा सत्कार‎

रेणुकाई‎ भोकरदन तालुक्यातील वरुड बु.‎ येथील विनोद दामोदर लोखंडे हे‎ भारतीय सैन्य दलातून नुकतेच‎ सेवानिवृत्त झाले. गावातील सैनिक‎ देश सेवा करुन आपल्या मूळ‎ गावी परतत असल्याने‎ ग्रामपंचायत व ग्रामस्थांनी एक‎ आगळ्यावेगळ्या सत्काराचे‎ आयोजन गावात करीत पती व‎ पत्नीचे यांचा ढोल ताशाच्या‎ गजरात व फटाक्याच्या जल्लोष‎ करून मिरवणूक काढली. यावेळी‎ महिलांनी घरासमोर सडा रांगोळी‎ टाकून विनोद लोखंडे यांचे औक्षण‎ केले. ग्रामस्थांकडून होत‎ असलेला आगळावेगळा सत्कार‎ पाहून विनोद लोखंडे ना गहिवरून‎ आले.‎

विनोद लोखंडे हे भारतीय‎ सैनिक सेवेत सलग २२ वर्ष काम‎ करीत असताना त्यांनी गावात‎ देखील सामाजिक सलोखा‎ जोपासत सामाजिक कार्यात नेहमी‎ हातभार लावलेला आहे. आजवर‎ जम्मू-काश्मीर, झारखंड, बिहार,‎ उत्तर प्रदेश आदी ठिकाणी कर्तव्य‎ बजावलेले आहे. त्यांचा नोकरीचा‎ कार्यकाळ संपला असल्याने त्यांना‎ भारतीय सैन्य दलातून सेवानिवृत्त‎ करण्यात आले. गुरुवारी सकाळी‎ लोखंडे हे आपल्या मूळ गावी‎ वरुड बु. येथे आले असता‎‎‎‎‎‎‎‎‎‎‎‎‎‎‎‎ ग्रामपंचायत व ग्रामस्थांच्या वतीने‎ त्यांचा सत्काराचे आयोजन‎‎‎‎‎‎‎‎‎‎‎‎‎‎‎‎ करण्यात आले होते.

दरम्यान‎ गावात काढण्यात आलेल्या‎‎‎‎‎‎‎‎‎‎‎‎‎‎‎‎ मिरवणुकीत भारत माता की जय,‎ जय जवान जय किसान, वंदे‎ मातरम अशा घोषणा देण्यात‎ आल्या. यावेळी गावातील माजी‎ सैनिक दामोदर लोंखडे ग्रामसेवक‎ उंबरकर, साडु वाघ, विष्णू‎ बावस्कर, बालु वाघ, संदीप वाघ,‎ रवींद्र लोखंडे, विजय लोखंडे,‎ ज्ञानेश्वर सोनवणे, विश्वासराव‎ साळवे, शिवाजी वाघ, मनोहर‎ धनराज, हबीब शेठ, रवींद्र वाघ,‎ नारायण बावस्कर, अशोक वाघ,‎ भगवान पालकर, अनिल वाघ,‎ प्रदीप वाघ, माधव वाघ,‎ आत्माराम वाघ, गणेश वाघ,‎ योगेश वाघ, मोठेबा वाघ,‎ रामकृष्ण वाघ, सोनाजी बावस्कर‎ यांच्यासह गावकरी मोठ्या संख्येने‎ उपस्थित होते.‎