दिव्य मराठी विशेष:ग्रामीण कलाकृती सातासमुद्रापार, 30 महिलांना रोजगार‎

फॅशन डिझायनर तसेच कपडा‎ उद्योगातील शिक्षण पूर्ण करून‎ ग्रामीण कलाकृतीला चालना‎ देण्यासाठी जालन्याच्या तरुणीने‎ काही वेगळे करण्याचा मानस ठेवत‎ महाराष्ट्रीयन परंपरेची ओळख,‎ कलाकुसर कपड्यांवर देण्याला‎ २०२१ मध्ये सुरूवात केली.‎ कोरोनामुळे सर्वकाही ठप्प झालेल्या‎ स्थितीत ऑनलाइन प्रचाराची जोड‎ मिळाली. विविध संकटावर मात‎ करून जिद्द तसेच मेहनतीच्या‎ बळावर जालन्यातील रेवती काकड‎ या तरुणीने साता समुद्रापार ग्रामीण‎ कला पाेहाेचवली आहे. आज‎ मलेशिया, कॅनडा, अाफ्रिका या‎ देशांत रेवतीच्या भरतकाम,‎ नक्षीकाम ही कलाकुसर केलेल्या‎ साड्या, ब्लाऊज पाेहाेचवत आहेत.‎ फॅशन डिझायनिंगचे शिक्षण पूर्ण‎ करून जालन्यात परतलेल्या रेवती‎ काकड हिने महाराष्ट्रीयन ओळख‎ तसेच ग्रामीण महिलांची कलाकुसर‎ जगाला कळावी हे ध्येय ठरून‎ महिलांना कसा रोजगार देता येईल‎ यासाठी १ डिसेंबर २०२१ मध्ये‎ कामाला सुरूवात केली.

साडी,‎ ब्लाऊज यावर कशा प्रकारे‎ महाराष्ट्रीयन ओळख देता येईल‎ यावर विविध संस्कृतीचा अभ्यास‎ केला. यासाठी नक्षीकाम करणाऱ्या‎ महिला तसेच पुरूषांची निवड‎ करून मागणीप्रमाणे भरतकाम,‎ नक्षीकाम केलेले वस्त्र‎ सातासमुद्रापार पोहोचवत आहे.‎ जालन्यातील जवळपास ३०‎ महिलांना या तरुणीने रोजगार‎ उपलब्ध करून दिला आहे. आज २‎ हजार ते २० हजार रुपयांपर्यंत किंमत‎ असलेली कलाकुसर सर्वत्र‎ पसरवत आहे. महाराष्ट्रीयन कलेला‎ सातासमुद्रापार पाेहाेचवणारी तरुणी‎ ही जालनेकर युवतींसाठी राेल‎ मॉडेल ठरत आहे. दरम्यान, तरूणी,‎ महिलांना कलाकुसरची कला‎ अवगत असेल तर त्यांच्या कलेला‎ व्यासपीठ उपलब्ध करून‎ देण्यासाठी पुढाकार घेणार‎ असल्याचे रेवती काकड हिने‎ सांगितले. जिल्हाभरातील तरुणींनी‎ याचा फायदा घ्यावा, असे‎ आवाहनही करण्यात आले आहे.‎

महाराष्ट्रीयन कलेस मागणी‎
आपल्या महाराष्ट्राची परंपरा ही‎ आपली ओळख आहे. ही कला‎आजच्या काळात‎फॅशनच्या‎माध्यमातून देण्याचे‎काम केले जात‎आहे. शिवाय‎महिलांना‎ घरबसल्या रोजगार उपलब्ध होत‎ आहे. आंध्रप्रदेश, चेन्नई, कोईंबतूर,‎ हैदराबाद, गोवा पाँडिचरी तसेच‎ राज्यात मुंबई, पुणे, औरंगाबाद या‎ ठिकाणाहूनही डिझाईन केलेल्या‎ कपड्यांना मागणी होत आहे.‎ - रेवती काकड, जालना‎

कोरोनामुळे ऑनलाईन प्रचाराचे धडे‎
कलाकुसर च्या कामाला १ डिसेंबर रोजी २०२१ रोजी सुरूवात केली. तीन‎ महिन्यांतच कोरोनाचा कहर वाढल्याने लॉकडाऊन लागले. यामुळे पूर्णपणे‎ बंद पडलेली कला सर्वांपर्यंत पाेहाेचवण्यासाठी सोशल मीडियाचा आधार‎ घेत ऑनलाईन प्रचाराची सुरूवात केली.‎