मार्गदर्शक पुरस्कार:राज्य विज्ञान संस्थेकडून‎ संदीप नवगिरे सन्मानित‎

विज्ञान क्षेत्रातील उत्कृष्ट कार्याबद्दल‎ रामनगर येथील श्रीमती इंदिरा गांधी माध्यमिक व उच्च‎ माध्यमिक विद्यालयातील विज्ञान शिक्षक संदीप‎ रामभाऊ नवगीरे यांना उत्कृष्ट मार्गदर्शक पुरस्कार डॉ.‎ वैशाली जामदार (शिक्षक उपसंचालक नागपूर), डॉ.‎ रत्ना गुजर (संचालक राज्य विज्ञान शिक्षण संस्था‎ नागपूर), व अभय यावलकर (मराठी विज्ञान परिषद,‎ मुंबई) यांच्या हस्ते ट्रॉफी देऊन सन्मानित करण्यात‎ आले.

राज्य विज्ञान व गणित संस्था, रवीनगर नागपूर,‎ येथील सभागृहात हा कार्यक्रम संपन्न झाला. या‎ कार्यक्रमात इन्स्पायर अवार्ड राष्ट्रीय स्तरीय प्रदर्शन व‎ प्रकल्प स्पर्धा २०२०-२१ मध्ये ६ लाख प्रकल्पातून‎ उत्कृष्ट ६० मध्ये महाराष्ट्रातील सुवर्णपदका सह ९‎ विद्यार्थी विजय झाले होते. यामुळे महाराष्ट्राची मान‎ अधिकच उंचावली आहे. या विजयी विद्यार्थी व त्यांना‎ उत्कृष्ट मार्गदर्शन करणारे विज्ञान शिक्षक यांच्या‎ कार्याची दखल घेत राज्य विज्ञान संस्था नागपूर यांनी‎ विद्यार्थी व शिक्षक यांच्या सत्कार समारंभाचे आयोजन‎ केले होते.

या कार्यक्रमाला विज्ञान पर्यवेक्षक राजू नेब,‎ विदर्भ विज्ञान अध्यापक मंडळ सदस्य, इन्स्पायर‎ अवर्डचे राज्य तसेच जिल्हा समन्वयक हे उपस्थित‎ होते. या पुरस्काराबद्दल संस्थेचे अध्यक्ष विठ्ठलराव‎ म्हस्के, प्राचार्या छाया वरगणे, गजानन म्हस्के, प्रभाकर‎ शेजुळ आदींनी अभिनंदन केले.‎