दिव्य मराठी विशेष:बारवाले महाविद्यालयात रंगली वैज्ञानिक पोस्टर स्पर्धा‎

‎ येथील बद्रीनारायण बारवाले‎ महाविद्यालयात सूक्ष्मजीवशास्त्र‎ विभाग आणि मराठी विज्ञान परिषद‎ यांच्यावतीने विज्ञान दिनाचे औचित्य‎ साधून पोस्टर स्पर्धेचे आयोजन‎ करण्यात आले होते. यात २४‎ पोस्टरचे सादरीकरण करण्यात‎ आले.‎ //"ग्लोबल सायन्स फॉर ग्लोबल‎ वेल- बीइंग//" या संकल्पनेवर‎ आधारित विद्यार्थ्यांनी विज्ञान आणि‎ जीवन जगण्याचे संदर्भ या‎ विषयानुषंगाने आपले वैज्ञानिक‎ पोस्टर तयार केले होते.‎ अँटिबायोटिक्स आणि त्याचा‎ शरीरावर होणारा परिणाम,‎ आयडेंटिफिकेशन अँड‎ कॅरेक्टरायझेशन ऑफ नोवेल‎ प्रोबायोटिक्स, विविध विषाणू जसे‎ एडिनोव्हायरस, हिपॅटिटीस-सी,‎ रोल ऑफ मायक्रोबायोटा इन‎ ओबेसिटी अँड मेटाबोलिक‎ डिसऑर्डर, इम्युनिटी, फूड‎ मायक्रोबायोलॉजी अँड ह्युमन बीइंग‎ अादी विषयावर पोस्टरचे‎ सादरीकरण करण्यात आले. डॉ.‎ सुरेश कागणे म्हणाले, सूक्ष्म जीवाणू‎ हे माणसाचे खरे सोबती असून‎ अंगरक्षकाचीही भूमिका बजावतात.‎

मानवी पेशींच्या एकूण संख्येहून‎ अधिक जीवाणू आणि सूक्ष्मजीव‎ मानवी शरीरात असतात. यातील‎‎‎‎‎‎‎‎‎‎‎ जीवाणू मनुष्याच्या‎ प्रतिकारशक्तीमुळे निरुपद्रवी‎ अवस्थेत असतात. काही जीवाणू‎ उपयुक्त असतात तर काही‎ आजाराला कारणीभूत होतात. उदा.‎ पटकी (कॉलरा), कुष्ठरोग, क्षय हे‎ आजार जीवाणूंमुळे होतात. काही‎‎‎‎‎‎‎‎‎‎‎ जीवाणू आजार बरे करणारे व‎ प्रतिकारशक्ती वाढवायला मदत‎ करतात. औदयोगिक क्षेत्रात‎ सांडपाणी व्यवस्थापनासाठी, चीज,‎ योगर्ट, दही, ब्रेड आणि मद्य तयार‎ करण्यासाठी (किण्वन) जीवाणूंचा‎ वापर होतो. द्विदल वनस्पतींच्या‎‎‎‎‎‎‎‎‎‎‎ मुळांवरील गाठींमध्ये नायट्रोजन‎ स्थिरीकरण करणारे जीवाणू, मृत‎ शरीराची विल्हेवाट लावणारे‎ जीवाणू, अन्नसाखळीत महत्त्वाचा‎ भाग असलेले, असे जीवाणूंचे‎ प्रकार आहेत.

यासाठी‎ सूक्ष्मजीवशास्त्राती ल संशोधन‎ मानवाच्या कल्याणासाठी आहे. या‎ स्पर्धेत वैष्णवी प्रभाकर तौर हिने‎ प्रथम, जान्हवी रंगनाथ ठाकरे द्वितीय‎ तर अनुराधा पांडुरंग डिघोळे हिने‎ तृतीय क्रमांक मिळविला. सुमेध‎ रमेश खरात आणि लक्ष्मण संजय‎ तिडके यांना प्रोत्साहनपर पारितोषिक‎ देण्यात आले. प्रदर्शनाचे परिक्षण‎ डॉ. प्रियदर्शन भवरे, डॉ. वेंकट‎ कोरेबोईनवाड यांनी केले.‎ कार्यक्रमाच्या यशस्वीतेसाठी‎ सूक्ष्मजीवशास्त्र विभाग प्रमुख डॉ.‎ भूषण नाफडे, डॉ. स्वाती सुरेश पुरी,‎ जनार्दन कळम, रोहन वर्तले आदींनी‎ प्रयत्न केले. या स्पर्धेत एकूण २४‎ पोस्टरचे सादरीकरण करण्यात‎ आले.‎