आवाहन‎:जिल्ह्यात 15 जानेवारीपासून गोवर,‎ रुबेला लसीकरणाचा दुसरा टप्पा‎

‎विषाणुमुळे होणाऱ्या गोवर या ‎संसर्गजन्य रोगाच्या प्रतिबंधासाठी‎ येत्या १५ ते २५ जानेवारीदरम्यान ‎लसीकरणाचा दुसरा टप्पा राबवला ‎जाणार आहे. आरोग्य‎विभागाकडून पुर्वतयारी करण्यात‎ आली असून यासाठी शहर व‎ गावात आरोग्य पथके नेमली‎ जाणार आहे.‎ जिल्ह्यात ज्या बालकांना ‎ गोवर-रुबेलाचा पहिला व दुसरा‎ डोस दिला गेला नाही, त्यांच्यासाठी‎ १५ ते २५ डिसेंबरदरम्यान विशेष‎ लसीकरण अभियान राबवण्यात‎ आले.

आता दुसरी फेरी १५ ते २५‎ जानेवारी या कालावधीत नियोजित‎ आहे. नियमित लसीकरण‎ वेळापत्रकानुसार गोवर रुबेलाचा‎ लसीचा पहिला डोस ९ महिने ते १२‎ महिने तर दुसरा डोस १६ महिने ते‎ २४ महिने या वयात घेणे आवश्यक‎ आहे. एक किंवा दोन्ही डोसपासून‎ ‎बालक वंचित असल्यास पाच वर्ष‎ वयापर्यंत २८ दिवसाच्या अतंराने हे‎ दोन्ही डोस देता येवु शकतात.‎ यामुळे आपल्या जवळच्या‎ शासकीय आरोग्य केंद्रास भेट‎ देवुन बालकाचे लसीकरण करुन‎ घेण्याचे आवाहन आवाहन जिल्हा‎ आरोग्य अधिकारी डॉ. जयश्री‎ भुसारे यांनी केले आहे.‎

गोवर रुबेलाची लक्षणे‎
ताप, खोकला, वाहणारे नाक,‎ डोळ्यांची जळजळ, सुरुवातीला‎ चेहऱ्यावर आणि नंतर उर्वरित‎ शरीरावर लाल व सपाट पुरळ ही‎ गोवर रुबेलाची प्रमुख लक्षणे‎ आहेत. गोवरमुळे काही मुलांमध्ये‎ अतिसार, मध्यकर्ण संसर्ग,‎ न्युमोनिया, क्वचित फेफरे, अंधत्व‎ किंवा मेंदू संसर्गही होवू शकतो,‎ यासाठी लसीकरण आवश्यक‎ आहे.‎