निवड चाचणी:राज्य क्रॉस कंट्री, आंतरजिल्हा राष्ट्रीय स्पर्धेसाठी 11 डिसेंबर रोजी जालन्यात होणार निवड चाचणी

महाराष्ट्र अॅथलेटिक्स असोसिएशनच्या वतीने राज्य क्रॉस कंट्री चॅम्पियनशिप येत्या २५ डिसेंबर रोजी परभणी येथील वसंतराव नाईक मराठवाडा कृषि विद्यापीठ येथे होत असून यात २०, १८ व १६ वर्षाखालील खेळाडू सहभागी होऊ शकतात. तसेच आंतरजिल्हा राष्ट्रीय स्पर्धा बिहारमधील पटना येथे होणार असून १४, १६ वर्षाखालील मुले व मुली यात सहभाग नोंदवू शकतात. या दोन्ही स्पर्धेसाठी ११ डिसेंबर रोजी निवड चाचणी होणार आहे.

जालना शहरातील जिल्हा परिषद निवासी क्रीडा प्रबोधिनी येथील प्रांगणात होणाऱ्या निवड चाचणीत जास्तीत-जास्त खेळाडूंनी सहभाग नोंदवण्याचे आवाहन जिल्हा असोसिएशनचे सचिव प्रा. डॉ. बाबू यादव, प्रमोद खरात, एकनाथ सुरुसे, संतोष मोरे, विकास काळे यांनी केले असून अधिक माहिती व संपर्कासाठी ९४२३१५७८५३ यावर पी. जी. खरात यांच्याशी संपर्क करावा. तसेच खेळाडूंनी येताना मूळ जन्म प्रमाणपत्र व आधार कार्ड सोबत आणावे असेही संयोजकांनी म्हटले आहे.