पाणीपुरवठा:कोदा गावात तीव्र पाणीटंचाई,‎ ग्रामस्थांची होतेय भटकंती‎

तालुक्यातील कोदा गावात तीव्र पाणीटंचाई‎ निर्माण झाली असून गावाला तत्काळ‎ शासकीय टँकरने पाणीपुरवठा सुरू करावा,‎ अशी मागणी सरपंच आरती काळे यांनी केली‎ आहे.‎ गेल्या दीड महिन्यापूर्वी गावाला पिण्याचा‎ पाणीपुरवठा करणाऱ्या सार्वजनिक विहिरी‎ कोरड्या पडल्याने गावाची नळ योजना बंद‎ आहे. परिणामी ग्रामस्थ व महिला मंडळींना‎ आता रोज दहा रुपये हंड्याप्रमाणे पिण्याचे‎ पाणी विकत घ्यावे लागत आहे गावात तीव्र‎ पाणी टंचाई निर्माण झाली असून ग्रामपंचायत‎ मार्फत आम्ही सर्व कागदोपत्री पूर्तता करून‎ भोकरदन पंचायत समिती कडे टँकरने‎ पाणीपुरवठा सुरू करण्यासाठी प्रस्ताव दाखल‎ केलेला आहे.

अद्यापपर्यंत टॅंकरने‎ पाणीपुरवठा सुरू झालेला नाही. पिण्याच्या‎ पाण्यासाठी ग्रामस्थांनी महिलांना भटकंती‎ करावी लागत आहे प्रशासनाने वेळेत लक्ष‎ द्यावे व तात्काळ पिण्याच्या पाण्याचा प्रश्न‎ सोडवण्यासाठी तात्काळ टँकरच्या प्रस्तावाला‎ मंजुरी देऊन शासकीय टँकरने पाणीपुरवठा‎ सुरू करावा. कोदा गावाची लोकसंख्या दोन‎ हजारापर्यंत आहे सर्वांसाठी किमान एक‎ शासकीय टँकरद्वारे तीन फेऱ्यांमध्ये दानापूर‎ जुई धरण येथील शेतकऱ्याची विहीर‎ अधिगृहन करून तेथून पाणीपुरवठा करावा‎ अशी ही मागणी करण्यात आली. कोदा‎ गावासाठी जलजीवन मिशन योजना मंजूर‎ झाली असून दानापूर येथून कोदा गावापर्यंत‎ पाईपलाईन चे काम मंजूर झालेले आहे ते‎ काम ही तत्काळ सुरू करावे अशीही मागणी‎ केली आहे.

पाणीप्रश्न न सुटल्यास तीव्र‎ आंदोलन छेडण्यात येईल, असा इशारा‎ सरपंच काळे यांनी दिला आहे. दरम्यान,‎ गावाला पिण्याचा पाणीपुरवठा करणाऱ्या‎ सार्वजनिक विहिरी कोरड्या पडल्याने गावात‎ पाणीटंचाई निर्माण झालेली आहे. पिण्याचा‎ पाण्याचा पुरवठा करण्यासाठी टँकरने‎ पाणीपुरवठा करण्यात यावा यासाठी रितसर‎ प्रस्ताव दाखल करण्यात आला असल्याचे‎ ग्रामसेवक महेंद्र साबळे यांनी सांगितले.‎