रस्त्यावर कायम सांडपा:सांडपाणी रस्त्यावर, आरोग्य धोक्यात‎

जालना तालुक्यातील मोठया‎ बाजारपेठेचे गाव असलेल्या‎ रामनगरमध्ये स्वच्छतेचा अभाव‎ असून यामुळे ठिकठिकाणी नाल्या‎ तुंबल्या आहे असून सांडपाणी‎ रस्त्यावरून वाहत आहे यामुळे‎ ग्रामस्थांचे आरोग्य धोक्यात आले‎ आहे.‎ गावात बहुतांश ठिकाणी नाल्या‎ नाहीत तर काही ठिकाणी आहे तर‎ त्या अरुंद असल्यामुळे नाल्यातील‎ सांडपाणी रस्त्यावरून वाहत आहे.‎

गावातील महत्वाचा रस्ता असलेला‎ हनुमान मंदिर ते झोपडपट्टी या‎ रस्त्यावर कायम सांडपाणी वाहते.‎ महिलांना सार्वजनिक विहिरीवरून‎‎‎‎‎‎‎‎‎‎‎‎‎‎‎ पाण्याचे हांडे नेताना सांडपाण्यातून‎ वाट शोधावी लागते. तसेच मानेगाव‎ रोड ते झोपडपट्टी सांडपाण्याच्या‎ नाल्या बंद असून या रोडवरही‎‎‎‎‎‎‎‎‎‎‎‎‎‎‎ सांडपाण्याने गटारी तुंबल्या आहेत.‎ यामुळे पादचाऱ्यांच्या अंगावर‎ सांडपाणी उडत असल्यामुळे वादाचे‎ प्रकार होतात.

दैनंदिन स्वच्छतेसाठी‎ स्वच्छता कर्मचारी नाही तसेच गत‎ पंचवार्षिकमध्ये दलित वस्तीत‎ बसवण्यात आलेल्या पाण्याच्या‎ टाक्या या शोभेच्या वस्तू बनल्या‎ असून ग्रामस्थांना सार्वजनिक‎ विहिरीवरून पाणी भरावे लागत‎ आहे. ग्रामपंचायतच्या नूतन‎ पदाधिकाऱ्यांनी समस्या‎ सोडवाव्यात, अशी मागणी‎ ग्रामस्थांनी केली आहे. दरम्यान,‎ पंधराव्या वित्त आयोगाचा निधीतून‎ येत्या आठ दिवसात पंधराव्या वित्त‎ आयोगातून हनुमान मंदिर पासून‎ झोपडपट्टी पर्यंत सांडपाण्यासाठी‎ नवीन अंडरग्राउंड नालीच्या काम‎ सुरु केले जाणार असल्याचे सरपंच‎ अॅड. गोपाल मोरे यांनी सांगितले.‎