दिव्य मराठी विशेष:रेशीम उत्पादकांना मिळणार एकरी 1 लाखाचे कर्ज‎

रेशीम उत्पादक शेतकऱ्यांना एकरी‎ प्रत्येकी एक लाखाचे पीक कर्ज‎ उपलब्ध करून दिले जाणार‎ असून नाबार्डकडून सर्व बँकांना‎ तशा सूचना दिल्याची माहिती‎ बँकिंग सूत्रांनी दिली. मात्र, हे पीक‎ खर्चिक असल्यामुळे किमान पाच‎ लाख रुपये पीक कर्ज उपलब्ध‎ करून देण्याची मागणी रेशीम‎ उत्पादकांकडून केली जात आहे.‎ महारेशीम अभियानांतर्गत‎ जिल्ह्यात वर्ष २०२३-२४ या वर्षात‎ एक हजार एकरवर तुती‎ लागवडीचे उद्दिष्ट असून प्रत्यक्षात‎ १०३७ एकरवर लागवडीसाठी‎ शेतकऱ्यांनी संमती दर्शवली आहे.‎ मागील लागवड ८५१ एकर आहे.‎ अर्थात, येत्या वर्षात जिल्ह्यात दोन‎ हजार एकर तुतीचे क्षेत्र राहणार‎ अाहे.‎ दरम्यान, लागवडीपासून ते‎ काढणीपर्यंतचा खर्च लक्षात घेता‎ बँकांकडून प्रतिएकरी एक लाख‎ रुपयांचे पीक कर्ज रेशीमसाठी‎ उपलब्ध करून देण्यात यावे,‎ असा प्रस्ताव ४ जानेवारी २०२३‎ रोजी जिल्हाधिकाऱ्यांच्या‎ अध्यक्षतेखालील जिल्हा तज्ज्ञ‎ समितीच्या सभेत मांडण्यात आला‎ होता. यास सर्वानुमते संमती‎ दर्शवल्यामुळे येत्या हंगामापासून‎ प्रतिएकरी एक लाख रुपयांचे पीक‎ कर्ज मिळण्याचा मार्ग मोकळा‎ झाला आहे.‎

एकरी पाच लाख रुपयांच्या पीक कर्जाची मागणी‎शासनाने प्रतिएकरी पाच लाखांपर्यंत पीक कर्ज उपलब्ध करून दिल्यास‎ अधिकाधिक शेतकरी तुती लागवड करून रेशीम उत्पादन घेतील. शिवाय, हे‎ नगदी पीक असल्यामुळे घेतलेल्या पीक कर्जाची परतफेडही दर महिन्याला‎ होऊ शकते. यामुळे बँकांनी रेशीम उत्पादक शेतकऱ्यांना पीक कर्ज देऊन‎ सहकार्य करावे.‎ - भाऊसाहेब निवदे, मच्छिंद्रनाथ चिंचोली, ता. घनसावंगी‎

जिल्ह्यात ८५१ एकरांवर‎ रेशीमची शेती, नव्याने‎ १०३७ शेतकरी इच्छुक‎ जिल्ह्यात ८३८ रेशीम उत्पादक‎ शेतकरी असून ते ८५१ एकरांवर‎ रेशीमची शेती करतात. नवीन‎ शेतकरी नोंदणी १०३७ आहे, तर‎ जालना येथील कृषी उत्पन्न बाजार‎ समितीअंतर्गत रेशीमची बाजारपेठ‎ आहे. या ठिकाणी मराठवाडा,‎ विदर्भातील शेतकरी काेष विक्रीसाठी‎ आणतात. त्याचबरोबर दरेगाव‎ शिवारात शासनाने मंजूर केलेल्या‎ रेशीम बाजारपेठेचे कामही अंतिम‎ टप्प्यात आले आहे. त्यामुळे येत्या‎ काळात रेशीम उत्पादकांसाठी‎ अधिकाधिक सुविधा उपलब्ध होईल.‎

‎