स्पर्धा:राज्यस्तरीय महिला कबड्डी स्पर्धेत‎ डोळ्याचे पारणे फेडणाऱ्या लढती‎

महात्मा ज्योतिबा फुले सामाजिक कार्य‎ सेवाभावी संस्था आणि राष्ट्रमाता इंदिरा‎ गांधी महाविद्यालय जालना यांच्या संयुक्त‎ विद्यमाने राष्ट्रीय युवा दिन व राजमाता‎ जिजाऊ जयंतीनिमित्त राष्ट्रमाता इंदिरा‎ गांधी महाविद्यालयाच्या मैदानावर सुरू‎ असलेल्या जिजाऊ कबड्डी चषक - २०२३‎ या राज्यस्तरीय कबड्डी स्पर्धेत गेल्या दोन‎ दिवसापासून चित्तथरारक आणि‎ जालनेकरांच्या डोळ्याचे पारणे फेडणाऱ्या‎ लढती झाल्या. शनिवारी दुसऱ्या दिवशी‎ पुरुष आणि महिला गटाच्या लढती अत्यंत‎ रंगतदार झाल्या.‎

शनिवारी महिला गटात झालेल्या लढतीत‎ मानवत स्पोर्ट अकॅडमीने सत्यशोधक‎ क्रीडा संघ गोसेगावचा पराभव केला.‎ राजमुद्रा क्रीडा मंडळ संभाजीनगर विरुद्ध‎ सत्यशोधक विद्यालय गोषेगाव यांच्यातील‎ सामना अटीतटीचा झाला. महिला‎ गटातील मारोतराव घुले विद्यालय दहेगाव‎ विरुद्ध क्रीडा प्रबोधिनी जालना‎ त्यांच्यातील सामना चुरशीचा ठरला. पुरुष‎ गटात राजमुद्रा क्रीडा मंडळ विरुद्ध डॉ.‎‎‎‎‎‎‎‎‎‎‎‎ नारायणराव मुंडे क्रीडा मंडळ जालना,‎ युवा पुरुष ढवळेश्वर विरुद्ध पैठण क्रीडा‎ मंडळ पैठण यांच्यात लढती सुरू होत्या.‎

सकाळच्या सत्रात क्रीडा प्रबोधनी जालना‎ विरुद्ध एकता कबड्डी मंडळ पूर्णा यांच्यात‎ रंगतदार लढत होऊन १३ गुणांनी क्रीडा‎ प्रबोधिनीचा संघ विजयी झाला. यावेळी‎ व्यासपीठावर डॉ. नारायणराव मुंढे, प्रा.‎ सत्संग मुंढे, प्राचार्य डॉ. सुनंदा तिडके, प्रा‎ डॉ. प्रताप रामपुरे, आश्लेषा फ्री इंग्लिश‎ स्कूलच्या संचालिका शुभदा मुंढे,‎ मेडिकल असोसिएशनचे अध्यक्ष श्री.‎ जायभाये, बी. के. कराड, डी. एल. पवार,‎ डॉ. बप्पासाहेब मस्के, प्रा. डॉ. प्रमोद‎‎‎‎‎‎‎‎‎‎‎‎ ढोकणे, दुपारच्या सत्रात बाबुराव सतकर,‎ सुदामराव सदाशिवे, भगवानराव मुंढे,‎ नायब तहसीलदार संदीप ढाकणे, विजय‎ कामड, मधुरा मुंढे, डॉ. भगवानसिंग‎ डोभाळ, भारतीय जीवन विमा निगमचे‎ पांडुरंग सांगळे, प्रायोजक म्हणून मदत‎ करणारे नागरे मसालेवाले आदींची‎ उपस्थिती होती. या स्पर्धेसाठी मुख्य‎ संयोजक तथा महात्मा फुले सामाजिक‎ कार्य सेवाभावी संस्थेचे अध्यक्ष प्रा. सत्संग‎ मुंढे, महाविद्यालयाच्या प्राचार्या डॉ. सुनंदा‎ तिडके, संयोजन समितीचे विजय कामड,‎ अब्दुल हाफिज, सुदामराव सदाशिवे,‎ बाबुराव सतकर टीम परिश्रम घेत आहे.‎