आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:दीड लाख लाभार्थींच्या अनुदानाच्या याद्या सादर‎

जालना‎एका महिन्यापूर्वी
  • कॉपी लिंक

गतवर्षातील खरीप हंगामात‎ अतिवृष्टी, पुरामुळे नुकसान‎ झालेल्या ३ लाख ६९ हजार ६८०‎ शेतकऱ्यांपैकी दीड लाख बाधितांची‎ बँक खाते क्रमांक, आधार क्रमांक,‎ मोबाईल क्रमांकासह इंग्रजीतील‎ यादी शासनाला पाठवली असून‎ उर्वरीत सव्वादोन लाख लाभार्थींची‎ यादी अपडेट करण्याचे काम सुरू‎ आहेत. लवकरात-लवकर हे काम‎ पुर्ण करून याद्या पाठवल्या जाणार‎ असल्याचा दावा जिल्हा‎ प्रशासनाकडून करण्यात येत‎ असला, तरी खरिपानंतर रब्बीही‎ हंगाम अर्ध्यावर येऊनही मदत‎ मिळत नसल्याने शेतकरी‎ मेटाकुटीस आले आहेत.‎ बाधित शेतकऱ्यांचे पीक पचंनामे‎ करून त्याचा अहवाल शासनाला‎ पाठवून अनुदानाची मागणी करणे ही‎ नेहमीची प्रक्रिया. यानुसार तलाठी,‎ ग्रामसेवक, कृषी सहाय्यकांनी‎ नुकसानग्रस्त भागाची पाहणी करून‎ वरिष्ठांना अहवाल पाठवले, बाधित‎ शेतकऱ्यांच्या याद्या बँक खाते‎ क्रमांक व आधार क्रमांकासह तयार‎ केल्या. शासनाकडून अनुदान आले‎ की तहसीलमार्फत याद्या व सोबत‎ चेक पाठवून देत शेतकऱ्यांच्या‎ खात्यात अनुदान वर्ग करण्याचे‎ आदेश देण्यापर्यंत तयारी झाली‎ होती.

मात्र, यातच सरकारने नवा‎ फतवा काढत थेट बाधितांच्या याद्या‎ मागवल्या. बाधित शेतकऱ्यांचे‎ आधार क्रमांकावर नमुद असलेले‎ नाव, मोबाईल क्रमांक, बँक खाते‎ क्रमांक, बाधित क्षेत्र अशी इत्थंभूत‎ माहिती इंग्रजीत तयार करून‎ पाठवण्याचे फर्मान सोडले. यानुसार‎ मागील तीन आठवड्यांपासून‎ त्या-त्या गावचे तलाठी याद्या‎ अपडेट करण्यात व्यस्त आहेत. यात‎ पहिल्या टप्प्यातील जिल्ह्यातील दीड‎ लाख शेतकऱ्यांच्या याद्या‎ शासनाकडे पाठवल्या असून उर्वरीत‎ याद्यांचे कामही वेगाने सुरू‎ असल्याची माहिती सुत्रांकडून‎ देण्यात आली.‎

याद्या तयार करण्याचे‎ काम गतीने सुरू‎
जिल्ह्यातील शेतकऱ्यांचे नुकसान‎ झाल्याचे महसूल व कृषी विभागाच्या‎ संयुक्त पंचनाम्यातून पुढे आलेले‎ असून, त्याची यादी तयार आहे. मात्र,‎ शासनाकडून प्राप्त सूचनेनुसार नव्याने‎ याद्या तयार केल्या जात आहेत,‎ त्यापैकी ४० टक्के शेतकऱ्यांची माहिती‎ शासनाला पाठवली असून, उर्वरीत‎ याद्याही लवकरच तयार होतील.‎ -केशव नेटके, निवासी‎ उपजिल्हाधिकारी‎

बातम्या आणखी आहेत...