पदवीधर मतदार संघ‎ निवडणूक:आचारसंहिता संपली,‎ आता कामांचा धडाका‎

जिल्हा परिषदेला प्राप्त झालेला‎ निधी पदवीधर मतदार संघाची‎ निवडणूक आचार संहितेमुळे खर्ची‎ घालता आला नाही. आता आचार‎ संहिता संपली असून, कामांचा‎ धडका सुरू होण्याची शक्यता‎ आहे. विशेष म्हणजे येत्या काळात‎ स्थानिक स्वराज्य संस्थांच्या‎ निवडणुकीची आचार संहिता‎ लागण्याची शक्यता आहे.‎जिल्हा वार्षिक योजना‎ सर्वसाधारण, अनुसूचित जाती‎ उपयोजना, प्रादेशिक पर्यटन,‎ आमदार स्थानिक विकास‎ कार्यक्रमांतर्गत जिल्हा परिषद,‎ वनविभाग, सार्वजनिक बांधकाम‎ विभागाकडे कोट्यवधी रूपये पडून‎ आहे.

मात्र, अमरावती पदवीधर‎ मतदार संघाच्या निवडणुकीमुळे‎ आचार संहिता लागू झाली होती.‎ गुरुवारी मतमोजणी आटोपली‎ असून, आता आचार संहिता सुद्धा‎ संपली आहे. त्यामुळे येत्या काळात‎ कामांचा धडाका चालू होणार आहे.‎ विशेष म्हणजे गेल्या वर्षभरापासून‎ जिल्हा परिषद, पंचायत समित्यांसह‎ नगर पालिकेत प्रशासक राज आहे.‎ येत्या काळात स्थानिक स्वराज्य‎‎‎‎‎‎‎‎‎‎‎‎‎‎‎ संस्थांच्या निवडणुका लागण्याची‎ शक्यता आहे.

त्यामुळे आचार‎ संहिता लागण्यापूर्वीच संपूर्ण कामे‎ आटोपून घेणे गरजेचे आहे. त्यामुळे‎ प्रशासकीय मान्यता मिळालेल्या‎ विभागांनी निविदा प्रक्रिया राबवून‎ संबंधित कामाचे कार्यादेश द्यावे.‎ दिलेला निधी परत जाणार नाही‎ याची काळजी संबंधित विभागाने‎ घ्यावी, असे निर्देश जिल्हाधिकारी‎ अमोल येडगे यांनी मागिल‎ बैठकीतच दिले होते. संपूर्ण निधी १५‎ मार्चपर्यंत खर्ची घालावा, अन्यथा‎ संपूर्ण जबाबदारी संबंधित विभाग‎ प्रमुखांची राहील असेही आदेश‎ जिल्हाधिकाऱ्यांनी दिले होते.‎

प्रलंबित मान्यता‎ निघणार निकाली‎जिल्हा वार्षिक योजनेच्या निधीतील‎ कामे दर्जेदार आणि गुणवत्तापूर्ण‎ करण्याचे निर्देश देण्यात आले होते.‎ दरम्यान, अमरावती पदवीधर मतदार‎ संघ निवडणूक आचारसंहितेमुळे‎ बहुतांश विभागांच्या कामांना‎ प्रशासकीय मान्यता प्रलंबित होत्या.‎ आता आचारसंहिता संपताच‎ मान्यता मिळणार असून, लवकरच‎ वर्कऑर्डर काढण्यात येणार आहे.