कलाकुसर:सांस्कृतिक विविधतेतून एकता दर्शवणाऱ्या‎ प्रतिकृती प्रदर्शनाने जिंकली उपस्थितांची मने‎

भारताच्या सांस्कृतिक विविधतेतून‎ एकता दर्शवणाऱ्या विद्यार्थ्यांनी तयार‎ केलेल्या प्रतिकृतींचे प्रदर्शन परतूर‎ येथील विवेकानंद इंग्लिश स्कूल येथे‎ शनिवारी भरवण्यात आले होते. या‎ प्रदर्शनाने उपस्थितांची मने जिंकून‎ घेतली. संस्थेचे अध्यक्ष डॉ. शेषराव‎ बाहेकर यांच्या हस्ते प्रदर्शनाचे‎ उद्घाटन करण्यात आले. यावेळी‎ संचालक संदीप बाहेकर, डॉ. प्रमोद‎ आकात,मुख्याध्यापक भालचंद्र‎ महाजन, संगीता शिंदे आदींची‎ उपस्थिती होती.‎ भारत हा विविधतेने नटलेला देश आहे.‎ आपल्या देशातील वेगवेगळ्या‎ प्राकृतिक विभागात वेगवेगळी‎ बोलीभाषा बोलली जाते.

प्रदेशानुसार‎ लोकांच्या राहणीमान, आहार, आचार‎ यांच्यामध्ये विविधता पाहायला मिळत.‎ सांस्कृतिक, सामाजिक आणि‎ प्राकृतिक बाबतीत विविधता असूनही‎ एक राष्ट्र म्हणून आपण एकतेच्या‎ सूत्रात बांधले गेलो आहोत. बोलीभाषा,‎ राहणीमान जरी वेगळे असले तरी‎‎‎‎‎‎‎‎‎‎‎‎ पंजाबचा एखादा व्यक्ति महाराष्ट्रीय या‎ नात्याने वेगळा वाटत नाही. आपला देश‎ बांधव म्हणून तो कायम आपल्याला‎ जवळचाच वाटत असतो.

शालेय‎ वयातील मुलांना देशातील विविध‎ भागातील संस्कृतीची ओळख व्हावी,‎ देशातील प्रसिद्ध व्यक्ति, ठिकाणे,‎ प्रमुख सण आदीबाबत महत्वाची‎ माहिती मिळावी या हेतूने या प्रतिकृती‎ प्रदर्शनाचे आयोजन करण्यात आले‎ असल्याची माहिती मुख्याध्यापक‎ भालचंद्र महाजन यांनी दिली. या‎ प्रदर्शनात देशाच्या उत्तर, दक्षिण, पूर्व‎ आणि पश्चिम या भागात असणारी‎ राष्ट्रीय स्मारके, एतिहासिक स्थळे,‎‎‎‎‎‎‎‎‎‎‎‎ प्रेक्षणीय स्थळे आदींच्या प्रतिकृती तयार‎ करून विद्यार्थ्यानी या प्रदर्शनात ठेवल्या‎ होत्या. यात प्रामुख्याने उत्तर विभागात‎ येणारा दिल्ली येथील लाल किला,‎ संसद भवन,कुतुब मिनार, लोहस्तंभ,‎ अशोक स्तंभ, ताजमहल, सुवर्ण मंदिर,‎ जालियनवाला बाग आदींच्या प्रतिकृती‎ तयार करण्यात आल्या होत्या.

पश्चिम‎ विभागातील प्रसिद्ध संत या प्रकारात‎ संत तुकाराम, संत ज्ञानेश्वर आणि संत‎ जलाराम यांच्या विषयी अधिक माहिती‎ देणारे फलक या लावण्यात आले होते.‎ प्रसिद्ध व्यक्ति या सदरात महर्षि कणाद,‎ भास्करचार्य, महात्मा फुले, सचिन‎ तेंडुलकर, दादासाहेब फाळके, विजय‎‎‎‎‎‎‎‎‎‎‎‎‎‎‎‎‎ भटकर, जमशेदजी टाटा यांच्या विषयी‎ माहिती फलकाचे समावेश करण्यात‎ आला होता. भारतात साजरा केल्या‎ जाणाऱ्या पोंगल, ओनम, दुर्गा उत्सव,‎ बिहू, गुढी पाडवा, आषाढी एकादशी,‎ लोहरी, बैसाखी आदी सणांविषयी‎ माहिती देण्यासाठी विद्यार्थ्यानी त्या त्या‎ सणाला वापरल्या जाणारे पोशाख‎ परिधान करून माहिती दिली.यावेळी‎ पालकही उपस्थित होते.‎

सांस्कृतिक मूल्यांची‎ जपवणूक‎ अशा प्रकारच्या प्रदर्शनातून‎ विद्यार्थ्यांमध्ये सांस्कृतिक मूल्यांची‎ जपणूक, राष्ट्रीय एकात्मता या सारख्या‎ मूल्यांचा विकास होते. विविध राज्यात‎ साजरा केले जाणाऱ्या पारंपरिक सण,‎ उत्सव कशा पद्धतीने साजरे केले‎ जातात याची माहिती विद्यार्थ्याना‎ झाली. प्रतिकृति तयार करण्यासाठी‎ विद्यार्थ्यांना सखोल वाचन करावे‎ लागले, यामुळे त्यांच्यात संबंधित‎ विषय ज्ञानामध्ये वाढ झाल्याचे दिसून‎ आल्याचे संदीप बाहेकर म्हणाले.‎