आंदोलन:वालूर येथील मंडळातील‎ शेतकऱ्यांचे उपोषण सुरू‎

तालुक्यातील वालूर मंडळातील‎ २०२० मधील अतिवृष्टीच्या‎ अनुदानापासून वगळलेल्या वालुर‎ महसूल मंडळाअंतर्गत असलेल्या‎ २१ गावांना अनुदान देण्याची‎ मागणीसाठी रविवारपासून‎ शेतकऱ्यांनी सेलू तहसील‎ कार्यालयासमोर आमरण उपोषण‎ सुरु केले आहे.‎ यापूर्वी अनुदान मिळावे‎ यासाठी शेतकऱ्यांनी दोन वेळेस‎ उपविभागीय अधिकारी‎ कार्यालयासमोर हे मुदत धरणे‎ आंदोलन केले होते. तत्कालीन‎ अधिकाऱ्यांनी वेळ मारून नेत ते‎ आंदोलन थांबवले. परंतु‎ शेतकऱ्यांना मात्र मदत अद्यापही‎ मिळाली नाही.

आता जोपर्यन्त‎ शेतकऱ्यांचा प्रश्न मार्गी लागत‎ नाही तोपर्यंत उपोषण सुरूच‎ ठेवण्याचा निर्धार सेलू तालुका‎ दबाव गटाचे निमंत्रक ॲड.‎ श्रीकांत वाईकर यांच्यासह‎ शेतकऱ्यांनी केला आहे. यावेळी‎ इसाक पटेल, ओमप्रकाश‎ चव्हाळ, अॅड. देवराव दळवे,‎ रामचंद्र कांबळे, लक्ष्मण प्रधान,‎ योगेश सुर्यवंशी, जयसिंग शेळके,‎ अब्दुल रौफ, मुकुंद टेकाळे‎ यांच्यासह आदी शेतकरी‎ उपोषणास बसले आहेत.‎

दरम्यान, अतिवृष्टीत वालूरसह‎ परिसरातील गावच्या शेतकऱ्यांचे‎ मोठया प्रमाणात नुकसान झाले‎ होते. हातातोंडाशी आलेला घास‎ हिरावला गेल्याने शेतकऱ्यांना‎ मोठा आर्थिक फटका बसला‎ होता. खरीपातील नुकसान रब्बीत‎ भरुन काढण्याचा शेतकऱ्यांचा‎ विचार होता.‎