बनावट वेबसाइट‎:वेबसाइट बनवून कोट्यवधींची फसवणूक करणारा म्होरक्या दहावी नापास‎

जालना जीडीसी कॉइनमध्ये जालनेकरांची‎ मोठ्या प्रमाणात फसवणूक झाली आहे. २०१६‎ पासून हा गैरकारभार चालू आहे. या सर्व‎ फसवणुकीमागील म्होरक्या इरफान हा दहावी‎ नापास असल्याचे पोलिसांच्या तपासात समोर‎ आले आहे. वेबसाइट तयार करून खात्यावर‎ रक्कम मागवून घेत नंतर तो जीडीसी (global‎ digital cluster) काॅइन देत असल्याचे‎ पोलिसांच्या तपासात समोर आले आहे.‎

जालना जिल्ह्यात प्रमोटर असलेल्या किरण‎ खरात व त्यांची पत्नी यांनी जीडीसी कॉइनमध्ये‎ पैसे गुंतवणूक करून तुम्हाला तुम्ही गुंतवलेल्या‎ रकमेच्या ११ टक्के दरमहा मिळून कॉइन लाँच‎ झाल्यानंतर त्याची भारतीय रुपयाच्या तुलनेत‎ अनेक पटीने परतावा मिळवून देतो, असे‎ आमिष देऊन जालना जिल्ह्यात ११६ जणांची‎ फसवणूक झाल्याचे समोर आले आहे.‎

दरम्यान, तपासात मुख्य म्होरक्या हा दहावी‎ नापास असल्याचे पोलिसांच्या तपासात समोर‎ आले आहे. पोलिसांनी पुणे, इचलकरंजी येथे‎ जाऊन चार जणांना ताब्यात घेतले आहे.‎ त्यांच्या ताब्यातून महागडे वाहनेही ताब्यात‎ घेतली आहेत. या कारवाईमुळे जिल्ह्यात एकच‎ खळबळ उडाली आहे. ही कारवाई पोलिस‎ अधीक्षक डॉ. अक्षय शिंदे, प्रभारी पोलिस‎ उपअधीक्षक बी. डी. फुंदे यांच्या‎ मार्गदर्शनाखाली एपीआय ज्ञानेश्वर पायघन,‎ संभाजी वडते, फुलासिंग गुसिंगे, मंगला‎ लोणकर, अंमलदार श्रीकुमार आडेप, ज्ञानेश्वर‎ खराडे, सागर बाविस्कर आदींनी केली.‎

वेबसाइटवरूनच‎ कॉइनचे दर खाली-वर‎ बनावट वेबसाइट तयार करून तो‎ कॉइन तयार करून त्याचा दर‎ कमी-जास्त करण्यासाठी‎ त्याच्याच वेबसाइटवरून‎ हाताळणी केली जायची. दर‎ कधी खूप वाढायचा. यात‎ अनेकांना चांगला मोबदला‎ मिळायचा. परंतु, थोडा खाली‎ आल्यानंतर कमी मोबदला मिळत‎ होता. यातून अनेकांची फसवणूक‎ झाली आहे.‎

आरोपी वाढतील‎ कोल्हापूर, पुणे येथून‎ काही संशयित आरोपी‎ महागड्या वाहनांसह‎ ताब्यात घेतले आहेत. या‎ गुन्ह्यात आणखी आरोपी‎ वाढण्याची शक्यता आहे.‎ त्या अनुषंगाने तपास सुरू‎ आहे. शनिवारी आरोपींना‎ न्यायालयात हजर करणार‎ आहे.‎ - ज्ञानेश्वर पायघन,‎ सहायक पोलिस निरीक्षक, जालना‎

वाहनांचे दाखवले‎ अनेकांना आमिष‎ जीडीसी कॉइनमध्ये‎ व्यवहार वाढवण्यासाठी व‎ हा कॉइन जास्तीत जास्त‎ जणांनी खरेदी करण्यासाठी‎ आमिष म्हणून प्रमोटर‎ असलेल्यांना महागडी ६०‎ लाख ते १ कोटींपर्यंतची‎ वाहने देण्यात आली आहे.‎ या आमिषातून जालन्यातून‎ अनेकांनी हे कॉइन घेऊन‎ गुंतवणूक केली आहे.‎