आमदार चव्हाण यांच्या प्रश्नांवर कृषीमंत्र्यांचे उत्तर‎:पानशेंद्रा येथे सीड पार्क‎ डिसेंबरअखेर सुरू होणार‎

जिल्ह्यातील पानशेंद्रा येथे प्रस्तावित‎ सीड पार्क येत्या डिसेंबरअखेर सुरू‎ होणार असून याठिकाणी मूलभूत‎ सोयीसुविधा उपलब्ध करून दिल्या‎ जातील, असे कृषी मंत्री अब्दुल‎ सत्तार यांनी गुरुवारी विधान परिषदेत‎ सांगितले. यासंदर्भात आमदार‎ सतीश चव्हाण यांनी तारांकित प्रश्न‎ उपस्थित करून सभागृहाचे लक्ष‎ वेधले होते.‎ तत्कालीन सरकारने २०१४ मध्ये‎ सीड पार्क उभारण्याचा निर्णय‎ घेतलेला असून यासाठी पानशेंद्रा‎ येथे ७५ एकर जमीनदेखील उपलब्ध‎ करून दिली आहे. याठिकाणी सीड‎ पार्कची उभारणी झाल्यास‎ शेतकऱ्यांना माती परिक्षण, चांगल्या‎ प्रतीचे बियाणे, उगवण क्षमता,‎ उत्पादन क्षमता वाढीसह अन्य‎ सुविधा उपलब्ध होणार आहेत. मात्र,‎ प्रकल्प उभारण्याची घोषणा होऊन ८‎ वर्षे झाली तरीही सीड पार्क सुरू‎ झाला नसल्याचे आमदार चव्हाण‎ यांनी सभागृहाच्या निदर्शनास आणून‎ दिले.

या प्रश्नावर उत्तर देताना कृषी‎ मंत्री सत्तार यांनी सीड पार्क उभारणी‎ संदर्भात बियाणे उद्योजकांना‎ आवश्यक असणाऱ्या सुविधा तसेच‎ या प्रकल्पामध्ये सहभाग घेणाऱ्या‎ सार्वजनिक व खासगी क्षेत्रातील‎‎‎‎‎‎‎‎‎‎‎‎‎‎‎‎‎‎‎‎ बियाणे उद्योजकांच्या गरजा निश्चित‎ करून डी.पी.आर.तयार करण्यात‎ आला आहे. सीड पार्क प्रकल्प‎ विकसित करण्यास निधी‎ मिळण्याबाबत राष्ट्रीय कृषी विकास‎ योजनेंतर्गत प्रस्ताव केंद्र शासनास‎ सादर करण्यात आला असल्याचे‎ सांगितले. मात्र केंद्र शासनाच्या‎ निधीची वाट न पाहता राज्य‎ शासनाच्या निधीतून हा सीड पार्क‎ प्रकल्प त्वरित सुरू करावा, अशी‎ आग्रही मागणी आमदार चव्हाण‎ यांनी सभागृहात केली.‎

युती सरकारकडून १०९‎ कोटींची गुंतवणूक‎ युतीच्या काळात तत्कालीन‎ मुख्यमंत्री व विद्यमान उपमुख्यमंत्री‎ देवेंद्र फडणवीस यांनी जालन्यात‎ सीडस् पार्कची घोषणा केल्यानंतर‎ सरकारकडून १०९.३० कोटी‎ रुपयांच्या गुंतवणुकीचा जीआरही‎ निघाला होता. मात्र, भुसंपादन,‎ भूखंड पाडणे व डीपीआर तयार‎ करण्यातच सात वर्षे गेली.‎ सरकारकडून निधीसह मंजुरी‎ मिळाल्यावरच प्रकल्पाचे काम सुरु‎ होईल, असे संबंधित यंत्रणांकडून‎ सांगितले जात आहे. विधिमंडळात‎ कृषिमंत्र्यांनीही निधीचा प्रस्ताव‎ केंद्राला सादर केल्याचे सांगितले.‎