कामकाजाची माहिती:विद्यार्थिनींनी जाणून घेतले‎ पोलिस ठाण्याचे कामकाज‎

शहरातील लाल बहादूर शास्त्री‎ कन्या विद्यालयातील विद्यार्थीनींनी‎ पोलिस ठाण्याला भेट देऊन‎ कामकाजाची माहिती घेतली.‎ पोलिस स्टेशन मध्ये असलेल्या‎ विविध शस्त्राची माहिती देखील‎ विद्यार्थिनींनी पोलिस उपनिरीक्षक‎ कमलाकर अंभोरे यांच्याकडून‎ जाणून घेतली.‎ लालबहादूर शास्त्री कन्या‎ विद्यालयातील इयत्ता दहावीच्या‎ विद्यार्थिनींनी सोमवारी या संपूर्ण‎ कारभाराची माहिती घेतली.‎ उपविभागीय पोलिस अधिकारी राजू‎ मोरे, पोलिस निरीक्षक श्यामसुंदर‎ कौठाळे यांच्या मार्गदर्शनाखाली‎ सहाय्यक पोलिस निरीक्षक सचिन‎ पुंडगे, पोलिस उपनिरीक्षक‎ कमलाकर अंभुरे यांनी विद्यार्थिनींना‎ पूर्ण पोलिस ठाणे दाखवत कुठे काय‎ कारभार चालवतो याबद्दल माहिती‎ दिली.

तसेच मुलींचे‎ अधिकार,त्यांना कायद्याचे असलेले‎ संरक्षणाबद्दल माहिती दिली. पोलिस‎ सेवेत येण्यासाठी आवश्यक‎ असणारी शैक्षणिक पात्रता,‎ शारीरिक पात्रता, मैदानी चाचणी,‎ लेखी चाचणीचे स्वरूप आदी बाबत‎ पोलिस उपनिरीक्षक कमलाकर‎ अंभोरे यांनी मार्गदर्शन केले. यावेळी‎ पोलिस उपनिरीक्षक नितीन गट्टूवार,‎ राम हाडे, नितीन बोडरे, सतिष‎ जाधव, गोपनीय शाखेचे संजय‎ वैद्य, गजानन राठोड, गाढवे, कैलास‎ खंदारे, सुरेश मसलकर, रामप्रसाद‎ नवल, उपस्थित होते.‎